Mortis Pierre Babin, eksa kastelestro
Laŭ aĝo probable la dojeno de la francaj esperantistoj, la 96-jara Pierre Babin mortis hodiaŭ en Bretonio.
Profesie li estis profesoro pri la angla, Esperantie li estis konata kiel la ĉefa responsulo de Kastelo Greziljono, dum jardekoj. Al la kastelo ligiĝis la vivo de lia tuta familio: unu el liaj gefiloj transprenis lian rolon, ĝis la krizo fine la dudeka jarcento.
Kooperativo de Literatura Foiro, kun kiu li kunlaboris pro diversaj Lojraj Esperanto-Rendevuoj, kondolencas al lia familio.
Legu pli en Heroldo de Esperanto
[HeKo 571 6-A, 2 mar 15]
