La kongresa numero de “Heroldo de Esperanto” atingis la abonantaron, danke al la raportoj verkitaj de sen. Dieter Rooke, korespondanto el Hanojo pri UK, kaj al la enpaĝigo de sen. Anna Bartek, ĉefa redaktoro.
La gazeto enhavas la plej gravajn dokumentojn de UK, inkluzive de paroladoj: ĝi estas, kiel kutime, fundamenta rimedo por la estontaj historiografoj de la esperanto-mondo.
La numero 258 (aŭgusto 2012) de “Literatura Foiro” survojas al la abonantaro, samkoverte kun la junia numero.
Kultura Centro Esperantista organizas lingvotestan sesion 14-15 oktobro 2012 ĉe la naturamika Esperanto-Domo en Malago, Andaluzio, por la niveloj B1, B2, C1 kaj C2 laŭ la LingvoTesta Sistemo de la Esperanta Civito, la sola kiu aplikas al nia lingvo ĉiujn ses nivelojn de la Komuna Eŭropa Framo de Referenco, kaj ankaŭ ties rekomendon unue fari la parola
La 26a numero de “Esperantista Tribuno” jam aperis. Per artikolo de c-ino Dimitrinka Kateva la bulteno de la Esperantista Domo de Kulturo “D-ro Ivan Kirĉev” en Razgrado enkondukas la temon “Kion la bulgaroj donis al la mondo?”.
Profesorino Esther Schor, el la universitato de Princeton (Usono), honoris la Esperanto-Domon per sia vizito, dum restado en Svislando pro internacia kongreso pri la angla literaturo, kiu estas ŝia ĉefa fako.
Esperanto kiel lingvo de Eŭropa Unio, kaj specife de eŭropa identeco, estas karakterizo de Eŭropa Esperanto-Unio, unuavice de ĝia sekretario Zlatko Tiŝljar. Unu el la nerektaj konsekvencoj de tiu ideologia sinteno estas favora inklino al Eŭropa Unio, inkluzive de la eŭra valuto.
Diskonigis ĝin James Bond, per unu el la plej famaj filmoj post la Connery-epoko; hodiaŭ ĝi estis la celo de la unua ekskurso kadre de la 9a Internacia Naturamika Semajno. Temas pri Schilthorn, sur Piz Gloria: mirinda panorama platformo je preskaŭ 3.000 metroj super la marnivelo.
HeKo 513 5-C, 19 aug 12
En intervjuo al la vicprezidanto de Tutmonda Esperantista Junular-Organizo, s-ro Michael Boris Mandirola, li tute prave asertas ke “malamikeco inter Universala Esperanto-Asocio kaj la Esperanta Civito estas certe tre bedaŭrinda afero”.
C-ano Francisko Degoul, membro de Esperanta Naturamikaro, kun la surloka apogo de c-ano Giorgio Silfer, ankaŭ membro de ENa, organizas ekskursaron en la ĉaŭdefona Ĵuraso, 31 oktobro — 4 novembro 2012.
La 27an de septembro 2012 okazos literatura kafejo en la hungara ĉefurbo: la unua organizita de Fajszi Amika Rondo kaj Esperanta PEN-Centro. Eniro libera.
Fajszi Amika Rondo estas neformala grupiĝo de intelektuloj, ne nur hungaraj, kiuj amas Budapeŝton kaj deziras ke ĝi gardu referencan rolon por nia kulturo, aktuale kaj ne nur historie.
La Hungara PEN-Klubo invitis c-anon Giorgio Silfer, kiel reprezentanton de la esperanta literaturo, por prelegi kadre de la internacia konferenco pri la temo “Literaturo-Lingvo-Nacio”, en Budapeŝto fine de septembro.
En 2008 fondiĝis dua akademio de esperanto, kun la epiteto “literatura”, ne sen polemikoj, ĉu kun la unua Akademio de Esperanto ĉu kun (eks)membroj de la likvidita Esperantlingva Verkista Asocio.
