HeKo - retagentejo de la Esperanta Civito
HeKo estas novaĵagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ lia delegito. La informoj estas: oficialaj de la Civitaj instancoj, se indikitaj per la litero C; bultenaj de paktintaj establoj, se indikitaj per la litero B; alies neoficialaj, pri kio ajn utila por la evoluo de Esperantio, se indikitaj per la litero A. Kaj pri Eŭropaj institucioj aŭ geopolitiko, se indikitaj per la litero E.
Eblas SENDI KOMENTARION aŭ ARTIKOLON tra la redakcia adreso.
Publikigo estas rajto por kiu havas la esperantan civitanecon, laŭdiskrecia por la ceteraj.
Eblas donaci monon por subteni nin per https://www.paypal.me/giordanoalessio97.
Nia poŝta adreso: Esperanta Civito > HeKo, strato Edinburgo 26, BE-1050 Bruselo (Belgio)
HeKo 836 6-B, 16 maj 24: Jubilea PEN-krozado en oktobro 2025
La organiza teamo de la proponita PEN-mondkongreso en formo de krozado kunsidis hodiaŭ en Budapeŝto ĉe la orienta legacio de la Esperanta Civito, sub la prezido de la teamkunordiganto, c-ano Giorgio Silfer. Alestis la tuta Komitato de Esperanta PEN-Centro (gec-anoj Silfer, Mihalkov, Kirova), la vicprezidanto kaj la sekretario de Esperanta Naturamikaro, nome c-inoj Perla Martinelli respektive Manuela Blanco, kaj kun c-ano Ruben Fernandez fakte preskaŭ la tuta Kapitulo. El la organiza teamo partoprenis ankaŭ c-ano Alessio Giordano.
Ĉi-lasta rapo ...
HeKo 835 5-B, 12 maj 24: Atentu pri blufoj kaj fanfaronado rilate lingvotestadon
Kultura Centro Esperantista, komisiita pri la LingvoTesta Sistemo de la Esperanta Civito (LTSEC), memorigas ke ne eblas lingvotestado perkoresponde aŭ perrete: ĉiu ekzameno devas okazi en fizika ĉeesto kaj de la kandidato kaj de la testantoj, alimaniere ĝi ne estas valida.
Krome KCE atentigas ke pri esperanto nur LTSEC proponas ĉiujn ses nivelojn laŭ Komuna Eŭropa Framo de Referenco. Universala Esperanto-Asocio, funkcianta kiel eksterlanda giĉeto de hungara institucio, proponas diplomojn nur por la gradoj B kaj C.
Fine KCE rimarki ...
HeKo 835 4-E, 9 maj 24: Kompletige al la prognozita en 2021
Fine de aŭgusto 2021 Via servanto afiŝis en HeKo ĉi tiun artikolon: https://www.esperantio.net/index.php?id=4365
La evoluo de la ukrajna (jam nur ukraina) situacio ŝajnas preludi al la dua malvenko de NATO. Reale ĝi atestas la malvenkon de Eŭropa Unio kaj la ekspansio de la alianco, kadre de vastiĝo de la usona alianca sistemo. Fakte EU eniris sakstraton en la rilatoj kun Rusio, dum la secesiinta Britio gajnis je influo al EU, kaj la eraroj de Rusio kaŭzis la malneŭtraliĝon de Svedio kaj Finnlando, novaj NATO-anoj. Samtempe Usono kreis "ĉinan muregon" en la pacifika areo, kooptante eĉ Vjetnamon: ja la hieraŭa malamiko povas esti la morgaŭa (eĉ hodiaŭa) amiko...
Post la fortikigo de tiuj du frontoj la atlantika (kaj pacifika) flankoj povas konsideri sin kontentaj. La geopolitika akso de la mondo revenis al Ameriko, kaj la fakturon de tiu aliaksigo pagos Eŭropa Unio. Dume, el Ukrajno restos nur Ukrainio, kun fumantaj ruinoj kaj najbaro kolera kontraŭ Eŭropo, al kiu venĝi sin pro Ameriko...
(Giorgio Silfer)
[HeKo 835 4-E, 9 maj 24] ...
HeKo 835 3-C, 6 maj 24: La Esperanta Civito kreskas kvante kaj kvalite
Danke al la Esperanta Civito (do danke al raŭmismo) la servoj je dispono de la esperantistaro pli kaj pli kreskas kvante kaj kvalite. La kvalito estas rimarkebla en la jam ekzistanta produktado de niaj paktintoj, ekzemple la revuo "Literatura Foiro" ĉe LF-koop kaj la centjara "Heroldo de Esperanto" ĉe KCE: kvalito kiu signifas ankaŭ akuratecon en la aperado, dum aliloke akumuliĝas malfruoj. La kvanto ampleksas la multiĝon de tiuj servoj.
Karakteriza en ĉi-lasta konsidero estas la resurekto (foje sub alia nomo) de aranĝoj: Kultura Esperanto-F ...
HeKo 835 2-A, 3 maj 24: Kritikoj de UEA-nostalgiuloj restas vanaj
La opozicio interna al la Universala, konsistanta el nostalgiuloj de la iama burokrata aparato (kaj ties protektatoj), kaj havanta sian voĉtubon en skandalisma retgazeto, insistas per kritikoj, eventuale eĉ pravaj, sed ne proponas propran alternativan estraron, kiu apliku alternativan strategion, se elektite; ankaŭ ĉar la plimulto el tiuj nostalgiuloj ne plu membras en la Asocio.
Jen komentario de eksdirektoro Osmo Buller: "En la ĉambro Zamenhof [de Nieuwe Binnenweg 176] nun restas nur la malplenaj librobretaroj, kiuj estis plene financitaj per ...
