Preparate de Alessio Giordano laŭ origina projekto de societo Tramontána (posedata de Gábor Deák Jahn) en Budapeŝto, la 1an de julio 2024 ekfunkcios la nova retejo de la Esperanta Civito. Ĝi transprenos la tutan enhavon de la nuna, sed aldonos gravan servon, kiel la eblecon rekte mendi varojn produktitajn aŭ aliĝi al eventoj organizitaj de paktintaj establoj.
La Kapitulo estas kunvokita al telekunsido 27 junio 2024. Pli ol unu tagordero koncernos la situacion de Esperantio en Norda Eŭropo, post longa privata vojaĝo de la Vickonsulo kaj alia venontsemajna de la vickonsulino pri internaj aferoj. Pri diversaj nemoveblaĵoj en Svedio la Kapitulo ricevis raporton de la Civita banko.
“Inter minoraj, minorigitaj, minoritataj kaj eĉ malpermesataj lingvoj: kia rolo por esperanto?” estas la temo de la 11a Lingva Kolokvo, kiu disvolviĝos ĉe Kultura Centro Esperantista 1-4 majo 2025. La temo ebligas kunlaboron kun la PEN-Komitato pri lingvaj rajtoj kaj tradukado, kaj ankaŭ kun diversaj etnistoj en Esperantio.
Unuflanke d-ro Renato Corsetti kasandras pri baldaŭa bankroto, aliflanke s-ro Martin Schaeffer kasistas pri granda bonfarto: “La financa jaro 2023 estis tre bona, danke al pluraj pozitivaj evoluoj. La spezokonto denove estis ne nur ekvilibra, sed ni sukcesis nutri la rezervojn por eventualaj pluvaj tagoj de la asocio. Pozitive evoluis la enspezoj pro rentoj.
“Malpli da homoj partoprenis en la lasta Retoso, kompare al la pasintaj. Eble ni ne sufiĉe varbis aŭ homoj lacas pri retkunsidoj.” Tiel amare konstatis Patricio Agustin Iglesias dum TEJO-kunsido. Laŭ li, la programo estis altkvalita. Kaj ĝi perdiĝis, ĉar “pro algoritmo tamen la videoj devas esti vivelsendataj, neregistritaj aŭ ĉe dua kanalo”.
Esperanto-Domoj naskiĝas per aĉetokontrakto, kiu povas enteni specialajn klaŭzojn. Ni vidu du ekzemplojn: la Domo en Svislando (apartenanta al la neprofitocela asocio Kultura Centro Esperantista) kaj tiu en Svedio (apartenanta al la kooperativo Esperanto Garden).
“In the event of a Russian invasion of Nato, US troops would be shipped to the port of Rotterdam before being transported eastward” malkaŝis la brita ĵurnalo “The Telegraph” 4 junio 2024. Tio signifas ke deĵori en Roterdamo (ekzemple kiel TEJO-oficisto aŭ -volontulo) egalus sidi sur la firsto de aktiva vulkano.
La rezulto de la baloto por la Parlamento de Eŭropa Unio definitive arkivas la esperon ke EU evoluos de konfederacio al federacio. Konsekvence por la federa eŭropismo la Unio iĝas definitive malhelpo pli ol helpo, analoge al UEA por la moderna esperantismo.
Venas praktike nur el Eŭropo (precipe Eŭropa Unio) la financaj rimedoj de Tutmonda Esperantista Junulara Organizo; sed jam triono de la Komitato konsistas el ekstereŭropanoj: tial latin-amerikanoj, afrikanoj, azianoj kaj eĉ oceaniano pli kaj pli influas kaj postulas.
Meze de septembro 2024 la Esperanto-Klubo de Idensalmo (Finnlando) festos la kvindekan datrevenon de sia fondo. La klubo havas aparte riĉan historion, ĉar en ĉi tiu urbeto de Alta Savonio situis la redaktejoj de “Literatura Foiro” kaj “Kontakto” dum la 1970aj, disvolviĝis SAT-kongreso en 1982, okazis pluraj landaj kaj semajnfinaj esperanto-aranĝoj.
“Mondkongreso en ŝipo ne garantias sufiĉe la personan sekurecon de la verkistoj; la navigado malhelpas la forlason de la kongreso pro subita kialo; la plejmulto de la delegitoj estas pliaĝuloj, kiuj riskas perdiĝi en havenoj dum la etapoj; la mediteranea estas maro kie flosas kadavroj de rifuĝantoj.” Per tiaj konsideroj la estraro (kaj londona oficistaro) de PEN Internacia hod
“La Esperanto-movado estas unu kaj UEA estas ĝia centro”. Ĉi tiu frazo, atribuita al Renato Corsetti, sinistre memorigas frazon de Benito Mussolini: “La nacia konscienco estas unu: tiu de la faŝismo”. Sed ankaŭ sur alia flanko stalinistoj asertus ion analogan. Kaj kial ne apudigi la frazon Extra ecclesiam nulla salus?
