Heroldo Komunikas | Heroldo Komunikas

En Milano dum jubilea festo premieros la represo de HEL

HeKo 582 9-B, 17 okt 15

La represo de “Historio de la esperanta literaturo” premieros en Milano, 13 novembro 2015, okaze de la ora jubileo de la esperantiĝo de unu el la du aŭtoroj, c-ano Giorgio Silfer. La festo, kun prezento de la enhavo de la libro, disvolviĝos ĉe Milana Esperanto-Klubo. Bedaŭrinde la 75-jara (ĉar denaskulo) c-ano Carlo Minnaja ne povos ĉeesti apud la “50-jara” (memlerninto) kunaŭtoro.

Legu pli pri En Milano dum jubilea festo premieros la represo de HEL

CED mecenatas pri la verko de Minnaja-Silfer

HeKo 582 8-B, 16 okt 15

La fonduso de Centro de Esploro kaj Dokumentado rekomendis, kaj Esperantic Studies Foundation aprobis, subvencion de du mil usonaj dolaroj al LF-koop, por ebligi distribuon de “Historio de la esperanta literaturo” de c-anoj Carlo Minnaja kaj Giorgio Silfer al esperantologoj kaj bibliotekoj, kiuj alikaze plej verŝajne ne havus aliron al ĝi aŭ ne havus la rimedojn por ĝin aĉeti.

Legu pli pri CED mecenatas pri la verko de Minnaja-Silfer

La financa strukturo de Esperantio

HeKo 582 7-C, 15 okt 15

Raporto destinita al la fonduma konsilio de Pro Esperanto analizas la ﬁnancan strukturon de la nuna Esperantio, kun specifa atento al supernaciaj organizoj. Laŭ la raporto, estas kvar la ĉefaj enspezofontoj: a) membrokotizoj, b) donacoj, legacoj kaj subvencioj; c) pagoj pro servoj kaj varoj; d) luigoj. La plej gravaj subjektoj diferencas laŭ la graveco de la diversaj fontoj.

Legu pli pri La financa strukturo de Esperantio

Baltiaj Esperanto-Tagoj 2016 en Litovio

HeKo 582 6-A, 14 okt 15

Adv. Povilas Jegorovas, la ĉefa organizanto de Baltiaj Esperanto-Tagoj en Birštonas (Litovio), 2-10 julio 2016, anoncas la partoprenon de pluraj interesaj intelektuloj.

Legu pli pri Baltiaj Esperanto-Tagoj 2016 en Litovio

Esperanta PEN eble decida en la mondkongreso

HeKo 582 5-B, 13 okt 15

Okdeko da literaturoj en la mondo, inkluzive de la esperanta, estas reprezentataj en la 81a PEN-mondkongreso, inaŭgurita hodiaŭ en Kebeko (Kanado) en ĉeesto de gravaj verkistoj. La ĉeftemo “Tradukado = Kreado = Libereco” donas la eblecon enfokusigi tradukarton ene de la mondliteraturo.

Legu pli pri Esperanta PEN eble decida en la mondkongreso

TEJO internacie pli agnoskita ol UEA

HeKo 582 4-A, 7 okt 15

Tutmonda Esperantista Junulara Organizo estis ĵus reelektita al la plenumorgano de Internacia Kunordiga Renkontiĝo de Junularaj Organizoj (ICMYO), kunordiga reto de internaciaj junularaj organizoj, kiujn UN nun konsideras kiel la voĉon de la junularo.

La Vickonsulo en la 6a Afrika Kongreso de Esperanto

HeKo 582 3-C, 5 okt 15

La Esperanta Civito oﬁciale aŭspicias la 6an Afrikan Kongreson de Esperanto en Togolando, 20-25 decembro 2015, kaj la Vickonsulo partoprenos ĝin laŭ invito de la organizantoj.

Legu pli pri La Vickonsulo en la 6a Afrika Kongreso de Esperanto

Ĉu la Akademio de Esperanto iĝos nederlanda societo?

HeKo 582 2-A, 1 okt 15

La estraro de la Akademio de Esperanto proponas ﬁksi la juran sidejon de la institucio en Nederlando, kio praktike egalas al ĝia transformo en institucion gravitantan en la UEA-sistemo.

En 2017 nova landa asocio de UEA en Iberio?

HeKo 581 1-A, 28 sep 15

Ĉu Kataluna Esperanto-Asocio ﬁne fariĝos landa asocio de UEA, post pli ol unu rifuzo el Roterdamo? Tio eblus, se post dek ok monatoj, do en 2017, la nova kataluna parlamento sukcesus proklami la sendependecon, kaj Unuiĝintaj Nacioj agnoskus la novan ŝtaton (ĉar UEA paŭsas sendiskute la decidojn de UN).

Legu pli pri En 2017 nova landa asocio de UEA en Iberio?

Partnerecoj kaj projektoj por Esperanta Naturamikaro

HeKo 580 9-B, 25 sep 15

Dum sia hieraŭa ordinara kunveno en la Esperanto-Domo de Andaluzio la Komitato de Esperanta Naturamikaro, sub la prezido de sen. Julio Herrero, analizis la situacion de la societo, post la NFI-mondkongreso kaj la renkonto de la junulara sekcio, ambaŭ okazintaj en Ĉeĥio, respektive en junio kaj septembro 2015.

Legu pli pri Partnerecoj kaj projektoj por Esperanta Naturamikaro

LF-koop kaj FAR funebras pro Árpád Máthé

HeKo 580 8-B, 21 sep 15

Kooperativo de Literatura Foiro kaj Fajszi Amika Rondo kolektive, gec-anoj Perla Martinelli kaj Giorgio Silfer persone, funebras pro la forpaso de d-ro Árpád Máthé, okazinta en Budapeŝto 14 septembro 2015. D-ro Máthé estis la ﬁdela kaj valora peranto de “Literatura Foiro” en Hungario dum la jaroj 1970aj kaj 1980aj.

Legu pli pri LF-koop kaj FAR funebras pro Árpád Máthé

TEJO protagonisto de la dua kongresa numero de HdE

HeKo 580 7-B, 20 sep 15

Estas grandparte dediĉita al Tutmonda Esperantista Junulara Organizo la dua kongresa numero (2243, 10:2015) ĉi-jara de “Heroldo de Esperanto”.

Legu pli pri TEJO protagonisto de la dua kongresa numero de HdE

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.