Heroldo Komunikas | Heroldo Komunikas

Minnaja kaj Silfer prezentas la duan represon de HEL

HeKo 597 4-B, 3 apr 16

C-anoj Carlo Minnaja kaj Giorgio Silfer prezentis hieraŭ en Bolonjo, ĉe la loka esperanto-komunumo, la duan represon de sia “Historio de la esperanta literaturo”, ĵus liverita al la bindejo. Prof. Minnaja apogis sin al la bildoprelego farita jam en Lillo okaze de la premiero pri la verko, dum lia kolego kompletigis pri diversaj aspektoj, ankaŭ konsiderante diversajn komentariojn.

Legu pli pri Minnaja kaj Silfer prezentas la duan represon de HEL

Otto Gabos donas al LF-koop la tradukrajton

HeKo 597 3-B, 2 apr 16

La bildromano “Esperanto” de la fama komiksisto Otto Gabos, eldonita ĉe Casterman, estas tradukota al nia lingvo, kun la celo publikigi ĝin ĉe la sama prestiĝa eldonejo, kun la distribua subteno de LF-koop.

Legu pli pri Otto Gabos donas al LF-koop la tradukrajton

Ĉu propra domo por IIC?

HeKo 597 2-B, 31 mar 16

La estraro de Itala Interlingvistika Centro ekzamenas ĉi-semajne la rezultojn de la esploroj komisiitaj al fondumo Pro Esperanto, por la eventuala senpaga akiro de nemoveblaĵo, kies proprieto restas ĉe itala fervoja entrepreno, sed kies posedo estas atribuebla al senlukra establo kun kulturaj aŭ/kaj socialaj celoj.

Legu pli pri Ĉu propra domo por IIC?

Savi esperanton en Kinŝasa lernejo

HeKo 597 1-C, 30 mar 16

Sekve de alarma informo el gecivitanoj en Afriko, la Kapitulo de la Esperanta Civito komisiis fondumon Pro Esperanto ekrilati kun asocio Anna Paolizzi en Italio, posedanta la samnoman lernejon en Kinŝaso, kie de kelkaj jaroj centoj da lernejanoj praktikas esperanton, laŭ iniciato de la karmemora pastro Duilio Magnani.

Legu pli pri Savi esperanton en Kinŝasa lernejo

La itala TEJO-sekcio akiras juran personecon

HeKo 596 9-A, 28 mar 16

Post multaj jardekoj da ekzisto, kaj pluraj da bona sed ne imitita ekzemplo germana, ankaŭ la landa sekcio de TEJO en Italio akiras juran personecon. Tiucele la Asembleo de Itala Esperantista Junularo aprobis hieraŭ en Pesaro novan statuton kaj elektis novan estraron, sub la prezido de Alberto Vitale.

Legu pli pri La itala TEJO-sekcio akiras juran personecon

Muzika virtuozo kaj angle-lingva trejnado en IJF

HeKo 596 8-A, 26 mar 16

La ĵus ekinta Internacia Junulara Festivalo de la itala TEJO-sekcio travivis tre interesan ekskursan tagon en la ĉarma Urbino, renesanca juvelo. Duoble gratulindaj estas do la fervoruloj rezignintaj pri la ekskurso por partopreni en seminario pri trejnado de trejnistoj; des pli ke la formado okazis en la angla lingvo, fare de gaĝa fakulino…

Legu pli pri Muzika virtuozo kaj angle-lingva trejnado en IJF

Kritiko pri la sociologio de Galor-Pietiläinen

HeKo 596 7-A, 25 mar 16

La verko “UEA en konscio de esperantistoj” de Zbigniew Galor kaj Jukka Pietiläinen enhavas aludojn al la raŭmismo. Jen komentario de sen. Walter Zelazny, ene de lia recenzo aperonta en “Heroldo de Esperanto”.

Legu pli pri Kritiko pri la sociologio de Galor-Pietiläinen

La sombra magio de la nombro dek unu

HeKo 596 6-A, 23 mar 16

Ĉu staras ankaŭ numerologo malantaŭ la masakroj kaŭzitaj de diversaj kamikazoj el islama deveno, diversloke en la mondo dum la nuna jarcento, precipe en Eŭropo?

Ni komencas per la 11a de septembro 2001: atenco al la Ĝemelaj Turoj en Novjorko, ĝis nun la plej sanga kaj ŝoka teroraĵo.

Legu pli pri La sombra magio de la nombro dek unu

Ne okazos elektoj por B-komitatanoj de UEA

HeKo 596 5-B, 22 mar 16

Fiasko de la interna demokratio en UEA: nur ses kandidatoj restis por ses postenoj en la Komitato, la solaj pri kiuj decidus la tuta individua membraro. Kaj el tiuj ses almenaŭ kvin estas (eks)estraranoj: vere magra rikolto por asocio kun pli ol kvin mil membroj.

Legu pli pri Ne okazos elektoj por B-komitatanoj de UEA

ENa pli forta en sia kvina vivojaro

HeKo 596 4-B, 19 mar 16

Esperanta Naturamikaro ﬁnis en ﬁnanca ekvilibro la jaron 2015an, konstatis la hieraŭa ordinara Asembleo de la societo, kunvokita al la naturamika Esperanto-Domo en Malago.

Legu pli pri ENa pli forta en sia kvina vivojaro

Altkvalita literatura kafejo en Budapesto

HeKo 596 3-B, 18 mar 16

La prezidanto de la Esperanta PEN, Bertil Nilsson el Svedio, hieraŭ gastis ĉe la literatura kafejo organizita de Fajszi Amika Rondo, kunlabore kun Landa Fremdlingva Biblioteko en Budapeŝto. La konekton al la temo donis libro pri jogo ĵus eldonita en esperanto.

Pupistoj en prizono post prezento en esperanto

HeKo 596 2-A, 16 mar 16

Du pupistoj estis enprizonigitaj en Madrido sub akuzo de terorismo, pro pupteatra prezento (parte) en esperanto.

Legu pli pri Pupistoj en prizono post prezento en esperanto

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.