Memkritiko de Kocsárd Valér Arató, el Hungario
HeKo 629 2-A, 2 jan 17
Laŭ peto de la koncernato mem, ni (re)aperigas la suban:
Forpasis forumano Nico Grisafi
HeKo 629 1-C, 1 jan 17
La 29an de decembro 2016 matene okazis la adiaŭa cerimonio, en kiu partoprenis amaso da civitanoj kaj da skoltoj.
C-ano Nico Grisafi estis instruisto en la baza lernejo kaj poste fondinto de la skolta asocio en Abano, Italio. Li promociis multajn kursojn de esperanto. Kaj nun ni ĝojas ke lia filino (edziniĝinta en Svislando) aktivas en Esperantio.
Komuniko de UETA pri kongresoj en Afriko
HeKo 628 9-A, 1 jan 17
Afrikanoj havas asocion tutkontinentan kun la nomo UETA. Aliflanke, la estraro de UEA havas laborgrupeton, kiu faras nenion krom apliki decidojn de la estraro de UEA. Tiu afrika komisiono tute ne estas asocio de esperantistoj afrikaj en Afriko. Tial ĝi tute ne rajtas ion altrudi al Afriko.
Bondezira saluto de la Konsulo por 2017
HeKo 628 8-C, 31 dec 16
Karaj gecivitanoj,
Lastan ŝancon mi havas por bondeziri prosperan novan jaron kiel proparolisto de la Esperanta Civito. La ŝancon mi kaptas, ankaŭ ĉar la jarfino koincidas kun du kongresoj en Afriko: nacia en Togolando kaj kontinenta en Tanzanio.
Forumanoj ekde aprilo 2017: unua listo
HeKo 628 7-C, 30 dec 16
La Konsulo de la Esperanta Civito ricevis kaj diskonigas la subajn informojn pri la konsisto de la Forumo ekde aprilo 2017 (post la fermo de la inaŭgura parlamenta sesio).
Esperanta PEN-Centro: c-anoj Koffi Gbeglo kaj Jarl Hammarberg, elektitaj de la ordinara Asembleo en Budapeŝto, 3 aŭgusto 2016.
Atribuo de parlamentaj oficoj por 2017-21
HeKo 628 6-C, 29 dec 16
Konforme al la normoj (specife al la artikoloj 2, 3 kaj 4 de la Senata Reglamento) la Konsulo notas ke la provizoraj grupestroj estas sen. Julio Herrero (Verda grupo) kaj sen. Anna Bartek (Blanka grupo). Ili estas la oficialaj proparolantoj de la respektivaj grupoj, ĝis la unua senata sesio en aprilo 2017.
Reatribuo de delegoj en la nova Kapitulo
HeKo 628 5-C, 28 dec 16
La Kapitulo de la Esperanta Civito havis skajpan kunvenon hieraŭ vespere, sub la prezido de sen. Conde Rey, eliranta Konsulo. Alestis senatanoj Kirova, Martinelli, Nguefack kaj Silfer, membroj de la Kapitulo ekde 2012. Ili ĉiuj konfirmis sian pretecon akcepti delegon de la Konsulo por la nova mandato.
Saluto al la 24a Togolanda Esperanto-Kongreso
HeKo 628 4-C, 27 dec 16
Estimata Prezidanto,
Viaj aŭtoritataj moŝtoj,
Gecivitanoj,
La pasintan jaron dum ĉi tiuj tagoj mi havis la plezuron esti en Togolando okaze de la sesa Afrika Kongreso de Esperanto, ĉar la Esperanta Civito donis al ĝi sian aŭspicion.
Ateliero pri artkomedio en JARTE 2017
HeKo 628 3-B, 26 dec 16
Javier Oliva, aktoro kaj reĝisoro andaluza, gvidos atelieron pri artkomedio dum la Junulara Arta Renkonto Transnacia en Esperanto, 16-21 julio 2017 en Ĉaŭdefono. La ateliero okupos ĉiutage unu horon kaj duonon.
Junulara ARTE sub la aŭspicio de TEJO
HeKo 628 2-B, 25 dec 16
Arta Renkonto Transnacia en Esperanto aldonas Jon de Junulara: JARTE okazos en Ĉaŭdefono, dum la tria semajno de julio 2017, zorge de Kultura Centro Esperantista, sub la aŭspicio de Tutmonda Esperantista Junulara Organizo.
TEJO emancipita? Des pli regalita!
HeKo 628 1-A, 24 dec 16
Laŭ nordeŭropa kulturo, Frosta Koboldo alportas donacojn al la obeemaj infanoj. Sed la “malobeema” TEJO ricevas pli kaj pli da donacoj lastatempe.
Zorgiga situacio en Kongolando
HeKo 627 9-C, 23 dec 16
Perturboj pli kaj pli oftaj en la ĉefaj urboj de RD Kongolando, kies nuna prezidento Kabila ne emas lasi la postenon post du mandatoj sinsekve.