Debutis la 86a jarkolekto de “Heroldo de Esperanto”, kiun jam la 14an jaron eldonas, posedas kaj administras Kooperativo de Literatura Foiro, la duan jaron sub la ĉefredakto de c-ino Aneto Muhlemann.
HeKo 420 9-C, 28 jan 10
La Konsilio por la Projekto AmaHoro estas elektita: ĝiaj membroj estas gec-anoj Martin Mbazumutima, Libère Mudende, Chamberline Nguefack, Frédéric Nimubona, Salvator Nizigiyimana.
La pola konsulejo en Kaliningrado rifuzis la renovigon de tutjara ŝengena vizo al Aleksander Korĵenkov, rusa ŝtatano, ĉefredaktoro de “La Ondo de Esperanto” kaj estrarano de Tutmonda Esperantista Ĵurnalista Asocio. Konsekvence, s-ro Korĵenkov partoprenos la Januaran Monatfinon de KCE en Svislando nur per skriba kontribuo.
La trisemajna informa gazeto pri la esperanta mondo “Heroldo de Esperanto” estas la sola esperantlingva internacia periodaĵo kiu dediĉas ĉiujare tutan numeron al Afriko, kutime la lastan (17an). Laŭ la redakcio, “Afriko meritas tutan numeron pro la multaj novaĵoj kiuj karakterizas la tie kreskantan esperanto-komunumon”.
Kultura Centro Esperantista komunikas ke, je 31 decembro 2009, laŭ la LingvoTesta Sistemo de la Esperanta Civito, estis disdonitaj entute 76 diplomoj.
La diplomoj, laŭ la niveloj, estas: 22 por A1, 17 por A2, 11 por B1, 10 por B2, 11 por C1, 5 por C2. La landoj kun plej multaj diplomitoj estas Togolando, Svislando, Hispanio.
HeKo 420 5-C, 25 jan 10
Revenis al Portalegro post kvarjara foresto la Monda Socia Forumo. Dum la lastaj tri jaroj (ne jam en 2006, okaze de la unua plurcentra forumo) la antiglobalismo iom post iom perdis sian elanon, paralele al la krizo de la novliberalismo. Ĉu nur paralele aŭ ankaŭ spegule?
La Parlamento de Eŭropa Unio firme kondamnas “ĉian formon de perforto, de diskriminacio kaj de maltolero bazitan sur la religio, kontraŭ religiemuloj, apostatoj kaj ne kredantoj” kaj memorigas ke “la rajto je pensa, konscienca kaj religia libero estas fundamenta homa rajto, garantiita de la internaciaj juraj rimedoj”.
Esperantista domo de kulturo “D-ro Ivan Kirĉev”, Razgrado (Bulgario), invitas al partopreno en la Dudeka Internacia Literatura Konkurso pri poezio kaj humuraĵoj, originale verkitaj en esperanto “EKRA-2010”, je libera temo. La verkoj ne devas esti ĝis nun publikigitaj en periodaĵoj, partoprenintaj en aliaj konkursoj aŭ afiŝitaj en Interreto.
HeKo 420 2-C, 23 jan 10
Sekve de la notaria akto inter SIPU kaj Pro Esperanto, la prezidanto de SIPU kaj la Konsulo de la Esperanta Civito nomumos morgau la kvin membrojn de la Konsilio kiu responsos pri la realigo de la projekto “AmaHoro”.
Clara Gyorgyey estis unu el la plej karakterizaj personoj en la PEN-kongresoj. Ŝi gajnis la simpatiajn trajtojn de usonanino tute gardante la siaspecan spicon de hungarino. Jam ŝia maniero paŝi estis simptoma por ŝia temperamento.
La togolanda UEA-komitatano Koffi Gbeglo “estas certa, ke ne ĉiuj gekolegoj estas tiom naivaj, ke ili ne malkovras la mensogojn de Renato [Corsetti], Osmo [Buller] kaj Jean Codjo en tiu ĉi afero de Afrika Oficejo en Benino. Temas vere ne pri malvero sed pri pura mensogo lerte preparita kaj flegata de la triopo por trompi UEA-membrojn”.
HeKo 419 8-C, 21 jan 10
C-ino Mariola Jobin, kun pola kaj svisa ŝtatanecoj, loĝanta en Loklo (kie ofte okazas parlamentaj sesioj), estas la nova kvestoro ĉe la parlamento de la Esperanta Civito.
