Recyclare necesse est
HeKo 485 5-A, 16 jun 11
“Se ni politike ne agus, neniam Etsuo Miyoshi ricevus honorigon. Aliaj lin ĝis nun nur eluzis” skribis pola leganto en LibFol.
Prezida stafeto en Razgrado
HeKo 485 4-B, 15 jun 11
La Esperantista Krea Renkontiĝo “Abritus” — EKRA en Razgrado (Bulgario), 10-12 junio 2011 estis la lasta por la ĝisnuna ĉeforganizantino, sen. Ivaniĉka Maĝarova, kiu transdonis la prezidon de la Esperantista Domo de Kulturo “D-ro Ivan Kriĉev” al reprezentantino de pli juna generacio, c-ino Dimitrinka Kateva.
Rezulto de la literatura konkurso EKRA-2011
HeKo 485 3-B, 14 jun 11
La ĵurio de la Internacia Literatura Konkurso EKRA-2011, prezidata de c-ano Ljubomir Trifonĉovski, kaj konsistanta el c-inoj Dimitrinka Kateva kaj Ivaniĉka Maĝarova, anoncas la rezulton. La konkurson organizis la Esperantista Domo de Kulturo “D-ro Ivan Kirĉev”, Razgrad (Bulgario), sub la aŭspicio de la revuo “Literatura Foiro”.
La sepa Heroldo en 2011
HeKo 485 2-B, 13 jun 11
Akurate aperas la sepa numero (2173) de “Heroldo de Esperanto”, kiu raportas pri eventoj ĝis 5 junio 2011. Jen kelkaj el la ĉefaj titoloj. La akurateco estas atingita kaj gardata de sindonema redakcio, malgraŭ la vakeco de la ĉefredaktora posteno. Kandidatoj estas intertempe selektataj.
Kandidatoj por la Senato 2012-2016
HeKo 485 1-C, 10 jun 11
La parlamentanoj de la opoziciaj grupoj anoncis en Milano sian disponeblon ree kandidati por la Senato: Nelly Holevitch kaj Anna Bartek por la Blanka Listo, Dieter Rooke por la Ruĝa Listo. La respektivaj KoKuSoj formaligos ilian rekandidatigon, fine de la somero, difinante ankaŭ la ĉefkandidatecojn.
For la politikan indiferenton!
HeKo 484 9-A, 9 jun 11
La jasmena revolucio evoluas al perforto pro la agoj de la diversaj diktatoroj, kiuj pafigas kontraŭ la popolo. La internacia komunumo povas sincere atesti pri la respondecoj de la aŭtokratoj en Libio, Jemeno, Sirio, kiuj kulpas pro la masakroj kaj aliaj fiagoj kontraŭ civiluloj.
Miliono da vizitoj en www.esperantio.net
HeKo 484 8-C, 8 jun 11
La retpaĝoj de la Esperanta Civito atingas ĉi-semajne unu milionon da vizitoj. Se necesis tri jaroj por atingi la unuan duonon de miliono, sufiĉis dek ok monatoj por la dua duono. Alivorte, la retejo www.esperantio.net havas meznombre preskaŭ mil vizitojn tage, do preskaŭ 30.000 monate.
Festparolado en Milano pro la Dua de Junio
HeKo 484 7-C, 7 jun 11
Plena salono en Milana Esperanto-Klubo la pasintan vendredon, por aŭskulti la festparoladon de c-ano Giorgio Silfer, okaze de la Dua de Junio.
Denove Bellefeuille eraras
HeKo 484 6-B, 6 jun 11
Advokato Yves Bellefeuille, kies kompetento pri juro ŝajnas pli kaj pli dubinda, afiŝis en la kutima skandalgazeto falsan informon: “Esperanto-Federacio en Niĝerio trovis trukon por eliri de la Civito sen pagi 500 eŭrojn. Senpaga eliro okazas se “forumanoj nek partoprenas nek senkulpiĝas dum du jaroj”.
Bertil Nilsson nova PEN-prezidanto
HeKo 484 5-B, 5 jun 11
Esperanta PEN-Centro havas novan prezidanton, elektitan de la Asembleo kunveninta en Milano 3 junio 2011: sen. Bertil Nilsson. Literatura tradukisto, redaktoro kaj publicisto, Bertil Nilsson anstataŭas Perla Martinelli, fine de ŝia trijara mandato.
Kien la Sciencaj Institutoj?
HeKo 484 4-C, 4 jun 11
La Forumo diskutis pri la esenco kaj estonteco de la Sciencaj Institutoj, dum sia hieraŭa sesio en Milano. Scienca Instituto estas realaĵo kiu arigas fakulojn pri temaro grava por la esperanta popolo: ĝi estas agnoskita de la Esperanta Civito kaj estas gvidata de persono kiu havas la esperantan civitanecon.
Du novaj paktintoj akceptitaj en Milano
HeKo 484 3-C, 4 jun 11
Novaj aliĝintoj al la Pakto por la Esperanta Civito, el Eŭropo kaj el Afriko. Ilin akceptis la Forumo, kiu rolas kiel asembleo de la paktintoj. Nur unu el la du estas tuj voĉrajta. Fakte la Esperanto-Societo en Goma (Kongolando) devas kompletigi sian dosieron per la sendo de la statuto. La alia nova paktinto, jam voĉrajta, estas la redakcio de “Femina”.