Plebiscita rezulto favore al “La lingvo serena” de Baldur Ragnarsson (eldonis Edistudio), kiun pli ol 50% de la balotintoj elektis “La Verko de la Jaro 2007”.

La revuo “La Ondo de Esperanto” denove invitas partopreni en la tradicia literatura konkurso Liro, kiu proponas kvin branĉojn: 1) originala prozo; 2) originala poezio; 3) traduka poezio: Pjotr Vjazemskij “Druzjam” www.esperanto.org/Ondo/Liro08-3.htm 4) traduka prozo: Valerij Brjusov (el la rusa) ”Bemolj”

La 15an de majo 1998 aperis la unua Gazetara Komuniko (GaKo) de Universala Esperanto-Asocio, redaktata en esperanto sub la responso de la ĝenerala direktoro de UEA. En la asocio la jubilea etoso estas tiel granda, ke ankaŭ tion oni ĵus celebris, per intervjuo al s-ro Osmo Buller, fare de la skandalgazeto kiu ekde 2003 oficas interalie kiel lia voĉtubo.

Estas jam produktita la unua el la tri medaloj aprobitaj de la Civita Parlamento, honore al la zamenhofa kaj literatura esperanto-jubileo 2009: temas pri arĝenta medalo kun la vizaĝo de Zamenhof profile, kaj la blazono de la Esperanta Civito reverse, laŭ dimensio egala al la svisa kvinfranka monero.

La situacio inter Tibeto kaj Pekino okupas la atenton de la amasmediaj komunikiloj, ankaŭ en Esperantio, kiel atestas la unua paĝo de “Heroldo de Esperanto” n-ro 2121 (6:2008). Tamen ne nur la kalva kapo de Dalai-Lamao enkondukas al la nova numero: ankaŭ la blonda long-hara Nicole Kidman, bonvola ambasadorino de UNIFEM.

Kvindek personoj prelegos (sep el ili dufoje) okaze de la Tutmonda Kongreso de Ĵurnalismo en Vilno, 26-30 majo 2008. La aranĝon organizas Litova E-Asocio, kunlabore kun la ĵurnalista asocio.

Kiuj defendas la rajtojn de Tibeto en Esperantio? Certe la Konsulo de la Esperanta Civito, ankaŭ ĉar al tio lin devontigas rezolucio unuanime aprobita de la Senato lastan aŭguston (la ruĝa grupo ne partoprenis en la baloto).

Pri la sekureco en Burundio cirkulas en Esperantio alarma informo, esence bazita sur la fakto ke s-ino Margaretha Symoens (filino de forpasinta altranga funkciulo de la belga kolonia administracio), alveninte al Buĵumburo por prizorgi lingvan seminarion ŝajne financitan de Universala Esperanto-Asocio, post du tagoj praktike fuĝis al la najbara lando Ruando, kien ŝi jam pla

“La gelernantoj de ZAMENHOF estas vere eksterordinaraj”, miris instruisto kelkajn minutojn antaŭ la proklamado de la rezultoj de provekzameno organizita de UFEPLAT por la lernejoj-membroj. La instruisto partoprenis la lastajn laborojn pri la rezultoj kaj trovis, ke Institut Zamenhof pliafoje estas ĉe la pinto.

Luís Raudón Uribe lasis la estraron de Meksika Esperanto-Federacio post du mandatoj, en kiuj dum pli ol kvar jaroj li prezidis la asocion: komence anstataŭante la demisiintan Jorge Gutierrez, poste kiel plene elektita fare de la asembleo.