Heroldo Komunikas | Heroldo Komunikas

Negativa financa konjunkturo por KCE

HeKo 611 6-B, 29 aug 16

Apartamento vaka dum sep monatoj kaŭzis mankon de 9.000 frankoj en la kaso de Kultura Centro Esperantista. Aldone, la portempaj luoj en 2016 ankaŭ montris malkreskon. Tio kaŭzis negativan konjunkturon, kiun KCE sukcesas superi danke al prunto de Pro Esperanto. La luigo de la apartamento ekde oktobro restabiligos la situacion, kvankam la konjunkturo plene sereniĝos nur venontjare.

Legu pli pri Negativa financa konjunkturo por KCE

TEJO kongresos en Togolando, aŭguste 2017

HeKo 611 5-A, 28 aug 16

Malgraŭ la perﬁdo de ILEI, kiu organizos sian kongreson en alia kontinento anstataŭ Afriko, la 73a Internacia Junulara Kongreso estas deﬁnitive kunvokita al Togolando, urbo Aneho, 5-12 aŭgusto 2017.

La loka organiza komitato momente konsistas el nur tri aktivuloj (hazarde, ili ĉiuj havas la esperantan civitanecon), sed espereble la stabo kreskos.

Blanke mortis en tragikaj cirkonstancoj

HeKo 611 4-A, 28 aug 16

D-ro Detlev Blanke mortis pro misfarto dum naĝado. La informon donas la oﬁciala portalo de la berlina civito, ne menciante lian nomon. Jen la proksimuma traduko de la aktualaĵo en la koncerna retpaĝo:

Legu pli pri Blanke mortis en tragikaj cirkonstancoj

Borsa analizo pri Esperantio? Eblas

HeKo 611 3-C, 27 aug 16

Fondumo Pro Esperanto ĵus kompletigis statistikon pri la forto de diversaj subjektoj en Esperantio.

Legu pli pri Borsa analizo pri Esperantio? Eblas

EU-komisionano pri esperanto en Eŭropa Unio

HeKo 611 2-E, 26 aug 16

Vytenis Andriukatis, la litova membro de la EU-Komisiono, prelegis en esperanto dum la internacia lingvopolitika konferenco en Nitro, 28-29 julio 2016. Interalie li diris:

Legu pli pri EU-komisionano pri esperanto en Eŭropa Unio

Wandel imputas la UEA-estraron pro la revua malfruo

HeKo 611 1-A, 25 aug 16

Bedaŭrinde plia tegolo sur la kapon de prezidanto Mark Fettes, fare de kreskanta interna opozicio. Ĉi-foje ĵetis ĝin eksestrarano, la israela komitatano Amri Wandel, kiu jam en Nitro esprimis sian konsterniĝon:

Legu pli pri Wandel imputas la UEA-estraron pro la revua malfruo

ILEI ne respektas la akordon kun TEJO pri Afriko

HeKo 610 9-A, 24 aug 16

Laŭ atesto de la prezidinto de TEJO, Łukasz Żebrowski, en publika komuniko al la TEJO-Komitato (15 majo 2016), Internacia Junulara Kongreso en Afriko estus kuplita al la paralela okazigo de ILEI-kongreso. La preciza celo estas: “Kunlabore kun ILEI okazigi kongresojn de TEJO kaj ILEI en Afriko en 2017”.

Legu pli pri ILEI ne respektas la akordon kun TEJO pri Afriko

Dua kongresa numero de Heroldo en 2016

HeKo 610 8-B, 23 aug 16

Akurate pretas la dua kongresa numero de “Heroldo de Esperanto” (2261, aŭ 11:2016), kiu kovras la eventojn en Esperantio ĝis 21 aŭgusto 2016. En sia dua kaj kvara paĝoj ĝi kompletigas la informojn pri la 101a Universala Kongreso, dum la tria paĝo estas dediĉita precipe al la unua ARTE — Arta Renkonto Transnacia en Esperanto.

Legu pli pri Dua kongresa numero de Heroldo en 2016

Granda malkvieto pro la sorto de la UEA-organo

HeKo 610 7-A, 22 aug 16

Granda malkvieto pro la sorto de la UEA-organo, post la eksiĝo de Fabrício Valle. La hungara redaktoro elektita de la estraro de UEA ﬁne de februaro 2016 en ses monatoj produktis nur du numerojn, el kiuj la unua (maja) aperis meze de junio, kaj la dua (junia) nur ﬁne de aŭgusto.

Detlev Blanke, la lasta "pura kaj dura" kamarado

HeKo 610 6-A, 21 aug 16

D-ro Detlev Blanke subite forpasis hieraŭ en Berlino, 75-jaraĝa. Li lasas vidvinon kaj orﬁnon, al kiuj iras nia kondolenco.

La Esperanta Civito por la Zamenhofa Jaro

HeKo 610 5-C, 20 aug 16

La Esperanta Civito pretas aŭspicii kaj subteni (laŭ la federisme subsidua principo) iniciatojn de la paktintaj establoj, okaze de la centa datreveno de la forpaso de Lazaro Ludoviko Zamenhof. La iniciatoj havu aktualigan pli ol ceremoniecan karakteron, kaj enfokusiĝu al la idealoj de Zamenhof pli ol la lingvo mem.

Legu pli pri La Esperanta Civito por la Zamenhofa Jaro

La Komitato de KCE kunvenos monatfine

HeKo 610 4-B, 19 aug 16

La Komitato de Kultura Centro Esperantista estas kunvokita al ordinara kunveno dimanĉon 28 aŭgusto 2016 je 14h30 ĉe la Esperanto-Domo de Svislando. Kvar el la kvin gekomitatanoj jam konﬁrmis sian ĉeeston.

Legu pli pri La Komitato de KCE kunvenos monatfine

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.