Heroldo Komunikas | Heroldo Komunikas

La Blanka grupo pledas por Konstitucia amendo

HeKo 639 5-C, 1 apr 17

Konforme al sia programo okaze de la lastaj elektoj al la Senato, la Blanka grupo ekpaŝas por la amendo de la artikolo 17 de la Konstitucio, per formala peto de la grupestrino, sen. Anna Bartek, al la Konsulo por ke ŝi entagordigu konsultiĝon pri la temo okaze de la baldaŭa senata sesio en Loklo.

Landa Fremdlingva Biblioteko en Budapesto informas

HeKo 639 4-B, 31 mar 17

Fajszi Amika Rondo transdonas la suban cirkuleron:

Karaj esperantistoj, karaj kolegoj,

Kun doloranta koro hodiaŭ mi forlasas la Landan Fremdlingvan Bibliotekon. Sur nova teritorio mi plu portos fruktojn per mia scio (ne estas esperanto-teritorio), laŭ miaj esperoj sukcese.

Mi dankas ĉiujn pro la multjara kunlaboro kaj pro multe da rememoroj.

Legu pli pri Landa Fremdlingva Biblioteko en Budapesto informas

Europo de traktato sen teksto al politika spagato

HeKo 639 3-E, 30 mar 17

La ĉefministro de Britio elektis la ﬁnon de marto, koincide kun la 60a datreveno de la Traktato de Romo, por liveri la “demisian leteron” de la plej gravaj insulanoj el la kontinenta Eŭropa Unio. Tial mi ekmemoris pri interesa historia anekdoto, kiun mi aŭdis el la buŝo de eksministro Giulio Andreotti dum renkonto en Milano, ankoraŭ en la pasinta jarcento.

Legu pli pri Europo de traktato sen teksto al politika spagato

LF 286, aprilo 2017, kun Karinthy kovrile

HeKo 639 2-B, 28 mar 17

“Literatura Foiro” daŭrigas la esplorojn pri la aŭtoroj en kies verkoj aŭ eĉ vivo rolis esperant(ist)o. Ĉi-jare, post Bulgakov, jen la vico de Frigyes Karinthy, eminenta esperantano, kiu interalie inspiris nian Sándor Szathmári. Giorgio Silfer dediĉas al ĝi eseon, apud traduko de grava specimeno.

Legu pli pri LF 286, aprilo 2017, kun Karinthy kovrile

En Prago prezento de HEL fine de majo

HeKo 639 1-B, 26 mar 17

“Historio de la esperanta literaturo” estos prezentita en Prago 31 majo 2017, dum literatura kafejo kie gastos unu el la aŭtoroj, c-ano Giorgio Silfer.

Dum sia prezento en la ĉeĥa ĉefurbo prof. Silfer faros la punkton pri la reago de la esperanta publiko al la verko realigita kun kolego Carlo Minnaja, kaj eldonita de Kooperativo de Literatura Foiro.

Legu pli pri En Prago prezento de HEL fine de majo

Okaze de la 60a datreveno de la Traktato de Romo

HeKo 638 9-C, 25 mar 17

La nuna problemo de Eŭropo estas, ke ĝi ne estas nun politike demokrata estaĵo, sed ĝi estas regata de povoj, kiuj ne akiris politikan legitimecon de la eŭropaj popoloj (ekzemple Eŭropa Centra Banko), aŭ kiuj ne respektas la demokratan principon de federismo ene de la Unio (iuj ŝtatoj havas pli da voĉdona povo ol aliaj).

Legu pli pri Okaze de la 60a datreveno de la Traktato de Romo

"Socia historio de la esperanta popolo" pli ol duone pretas

HeKo 638 8-B, 24 mar 17

La verkata “Socia historio de la esperanta popolo” konsistos el dudek ok originalaj eseoj kaj abunda referencaro. El la eseoj dudek unu estas praktike prespretaj: laŭ la nuna ritmo LF-koop ricevos ĉi-jare la presotan libron, kiu atingos proksimume 250 paĝojn. Tion prognozas la aŭtoro, prof. Giorgio Silfer.

Legu pli pri "Socia historio de la esperanta popolo" pli ol duone pretas

"La eta heroldo de KCE" - monata informilo

HeKo 638 7-B, 23 mar 17

La Komitato de Kultura Centro Esperantista proponas al la Asembleo de la kulturcentro, kunvenonta en Ĉaŭdefono 14 aprilo 2017, la trian numeron de la monata informilo sub la titolo “La eta heroldo de KCE” kaj la subtitolo “monata informilo de Kultura Centro Esperantista”.

Legu pli pri "La eta heroldo de KCE" - monata informilo

Afrikano pri la Sepa Afrika Kongreso

HeKo 638 6-A, 22 mar 17

Dimanĉon frumatene (je Kristnasko 2016) en Dar-es-Salamo mi enbuŝiĝis kun Emile Malanda kaj atingis la kongresejon en Bunda la postan tagon. Ni maltraﬁs kelkajn kongresajn programerojn sed ne la plej bonajn, ekz. AMO-seminarion kun UEA-vicprezidanto Stefan MacGill, kaj piedpilkan ludon.

Legu pli pri Afrikano pri la Sepa Afrika Kongreso

UEA pardonpetas al Minnaja [kaj Silfer]

HeKo 638 5-A, 21 mar 17

“La Estraro de UEA pardonpetas al tiuj niaj membroj, kiujn ofendis kelkaj vortoj kaj esprimoj uzitaj de intervjuito en la novembra numero de la asocia organo. Kvankam ni ja subtenas la liberan esprimadon de opinioj, kontribuoj al nia revuo estu konstruaj kaj respektemaj, ankaŭ kiam temas pri kritiko.

Britio sojle de la secesia procezo el Eŭropa Unio

HeKo 638 4-E, 20 mar 17

Downing Street anoncis hodiaŭ ke en dato 29 marto 2017 Britio aktivigos la proceduron preskribitan de la artikolo 50 de la Traktato de Lisbono. Se ne okazos prokrastoj, Britio secesios de Eŭropa Unio koincide kun la ﬁno de la nuna mandato de la EU-Parlamento (printempo 2019).

Legu pli pri Britio sojle de la secesia procezo el Eŭropa Unio

Kabindanoj murditaj de angolanoj en Kongolando

HeKo 638 3-A, 20 mar 17

La 2^an de februaro 2017 la registaro en ekzilo de la Kabinda Respubliko estis informita ke kvar kabindaj responsuloj en Kongolando-Brazavilo, departemento de Niari, estis murditaj de angolaj agentoj. La kvar viktimoj estas: Alexandre Taty Canier (sekretario de FLEC), Estanislas Boma, Rotula, Alfredo Mabiala.

Legu pli pri Kabindanoj murditaj de angolanoj en Kongolando

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.