La prezidanto de la Esperanta PEN, Bertil Nilsson el Svedio, hieraŭ gastis ĉe la literatura kafejo organizita de Fajszi Amika Rondo, kunlabore kun Landa Fremdlingva Biblioteko en Budapeŝto. La konekton al la temo donis libro pri jogo ĵus eldonita en esperanto.
Du pupistoj estis enprizonigitaj en Madrido sub akuzo de terorismo, pro pupteatra prezento (parte) en esperanto.
La bazo de mia statistiko estas la rubriko “Laste aperis” en la revuo Esperanto. Ĉi tiu rubriko registras ĉiujn librojn, kiujn la libroservo de UEA ekvendis en la aktuala jaro, sendepende de la eldonjaro. Tia statistiko ne estas ideala.
Kultura Centro Esperantista proponas kurson pri “Historio de la esperanta teatro” en la Esperanto-Domo de Svislando, 11-15 julio 2016. Instruos prof. Giorgio Silfer, kunaŭtoro de “Historio de la esperanta literaturo”.
“Una lingua per tutti, una lingua di nessun paese” (Lingvo por ĉiuj, lingvo de neniu lando), doktoriĝa disertacio akceptita de la universitato de Torino; aŭtoro d-ino Irene Caligaris, referanto prof. Federico Gobbo, estis premiita per la stipendio “Ivo Lapenna”.
Hodiaŭ, je la Internacia Virina Tago, okazis sociologia debato ene de Feminisma Esperanta Grupo (FEG) en Kinŝaso, pri la temo: “Kion ni riproĉas al la virino”.
HeKo 595 3-C, 3 mar 16
Preskaŭ samtempe, sed en tute malsama maniero, aperis du informoj pri baldaŭa domakiro en Esperantio. La unuan distrumpetas Universala Esperanto-Asocio tra kiel eble plej multe da kanaloj, la duan diskrete anoncis nur la organo de la Esperanta Civito (HeKo) kaj interna cirkulero al la membroj de Esperanta PEN-Centro.
HeKo 595 1-C, 1 mar 16
La Konsulo de la Esperanta Civito renkontis hieraŭ reprezentantojn de la tri listoj kiuj ĉeestas en la Senato. La renkonton partoprenis sen. Anna Bartek (Blanka listo), c-ano Stan Keable (Ruĝa listo) kaj sen. Giorgio Silfer (Verda listo).
Estis anoncita la kalendaro por la elektoj al la Senato en 2016:
15 septembro — lasta tago por liveri la kandidatlistojn
