La interesa simpozio de Kultura Centro Esperantista, okazinta 1-3 majo 2026 en Ĉaŭdefono, alvenis interalie al la konkludo ke la ekzistantaj esperanto-kursoj plej ofte transdonas nur la konon de gramatiko kaj vortaro, sed apenaŭ ion pri la kulturo kaj des malpli pri la socikono. Por niaj instruistoj, eĉ se temas pri adolta lernantaro, la lingvo ŝajnas nenio pli ol komunikilo.

C-ano Giacomo Comincini, prezidanto de Centro di Interlinguistica, estis hodiaŭ akceptita en Sofia-Universitato, la plej antikva katolika akademio de Tokio, fondita de Pio la 10a en 1906. Gastigis lin prof-ro Kimura Goro Christoph, docento pri germanaj studoj kaj fama nipona interlingvisto.

Du malsamaj dungofilozofioj karakterizas Esperantion kaj fakte emfazas la jam grandan diferencon inter la organiza modelo de UEA/TEJO kaj tiu de la Esperanta Civito: laŭ la unua, necesas akiri subvenciojn de Eŭropaj institucioj kaj uzi ilin por dungi homojn laŭ celoj indikitaj de tiuj institucioj; laŭ la dua, ne eblas vivi el subvencioj, la laborforto dependu de propraj celoj kaj ku

Kultura Centro Esperantista komunikas la ligilon por sekvi la simpozion pri andragogio kaj didaktiko:

http://kmeet.infomaniak.com/vktoqx4wp38bgjopyis35ouh

kaj la programon:

vendredon la 1an de majo

(mateno libera por la manifestacio de la Unua de Majo)

La simpozio de Kultura Centro Esperantista pri “Andragogio kaj didaktiko”, 1-3 majo 2026 en Ĉaŭdefono, disvolviĝos parte telematike pro funebra omaĝo al la karmemora c-ano Bertil Nilsson; duono de la intervenoj estos do virtualaj kaj precipe en intervjua formo.

Laŭ ĵusa statistika studo de Stockholm International Peace Research Institute, dum la pasinta jaro sur nia planedo oni elspezis du mil naŭcent miliardojn da usonaj dolaroj por aĉeti armilojn: rekordo de post multaj jaroj, kvankam kompare al 2024 la kostoj altiĝis “nur” je tri procentoj; sed la kresko okazas jam la dekunuan jaron sinsekve.

La 2^an de junio 2001 la Konstitucio de la Esperanta Civito estis promulgita en la urbodomo de Sabloneto (Italio), la 25^an de februaro 2002 disvolviĝis la unua Parlamenta sesio en la urbodomo de Loklo (Svislando). Inter tiuj du eventoj, la 15^an de decembro 2001 okazis la elektoj por la unua Senata mandato.

Ne plaĉas al la Neŭŝatela kantono kaj respubliko ke Kultura Centro Esperantista estas bone administrata kaj neniam petas subvencion el la ŝtato: ĝiaj impostaj pretendoj, bazitaj nur sur la proprieto de kvaretaĝa domo, malekvilibrigas la spezkalkulon de la neprofitcela societo, cetere neniom helpata de la malnova Esperantio.

Morgaŭ la kutima hebrea delegacio ne partoprenos en la ĉiujaraj festoj pro la Liberiĝo, per la norditala partizana insurekcio kiu markis la finon de la civila milito en Italio, kadre de la dua mondmilito: la oficiala klarigo estas ke temas pri ŝabata tago.

C-ano Bertil Nilsson heredigis al la Esperanta Civito sian privatan bibliotekon, konsistantan el tri libraroj: la esperanta, la plurlingva pri religioj (li estis profesoro pri historio de religioj) kaj diversa en la sveda; ĉio situas ankoraŭ en lia domo proksime al Stokholmo.

Post kelkmonata aktiveco kiel komisiito pri ISEBA, c-ino Viviana Piccinini estis nomumita hieraŭ vickonsulo pri bibliotekoj kaj sociaj retmedioj fare de la Konsulino de la Esperanta Civito: kadre de la unua delego ŝi aplikos la normojn en direktivo Giordano, kadre de la dua ŝi okupiĝos pri la Civita ĉeesto en Instagram unuavice. 

La hodiaŭa senatokonsulto, kun la partopreno de parlamentanoj el tri kontinentoj, sub la prezido de la Konsulino, Lorena Bellotti, donis la verdan lumon al la leĝopropono Martinelli-Blanco-Giordano, kiun la Konsulino enskribos en la tagordo de la venonta senata sesio, kunvokita al Malago por la 13a de okt