HeKo 894 5-C, 23 nov 25
Lorena Bellotti, Konsulino de la Esperanta Civito, anoncas rezolucion proponitan de sen. Perla Martinelli (verda grupo) kaj diskutotan dum la venonta Senata sesio, al kiu la HeKo-redakcio esprimos formale sian vidpunkton, post eventuale antaŭaj precizigoj kiel komento sub ĉi tiu komuniko.
Kara Konsulino,
En novembro 1939 Sovetunio agresis Finnlandon, kiu rifuzis cedi al Stalin parton de sia teritorio: Finnlando sin defendis kuraĝe kaj sagace, ankaŭ helpe de terure frosta vintro, sed en marto 1940 kapitulacis kontraŭ kvante tro forta malamiko; intertempe la okcidenta fronto vivis sian drolan militon, kun francoj kaj britoj kantantaj dulingve:
HeKo 894 3-C, 21 nov 25
Se vi voĉdonis por la Verda Listo okaze de la elektoj al la Senato de la Esperanta Civito, vi estos bonvena al la unua programa konferenco de la Verdanoj, okazonta en la Milana metropolo, 29 decembro 2026 ekde 14h30, en hibrida formo. Baldaŭ estos anoncitaj la precizaj adresoj por la partoprenontoj reale kaj ligilo por la virtuale.
HeKo 894 2-C, 20 nov 25
Antaŭ la hieraŭa fermo de la forumokonsulto de la direktivo proponita de c-ano Jean-Sacha Barikumutima (AEI) nur unu kritiko estis registrita, formulita de c-ano Giacomo Comincini (LF): ne devontigi la paktonton aneksi al sia petskribo la liston de la establanoj kiuj deziras peti la esperantan civitanecon.
HeKo 894 1-C, 19 nov 25
Morgaŭ je 13h00 CET telekunsido fermos la Forumokonsulton pri la direktivo proponita de Afrika Esperanto-Instituto pere de forumano Jean-Sacha Barikumutima, pri la aliĝo de establoj al la Pakto.
Forumanoj, kiujn pro ajna kialo ne atingis la ligilo al la kunsido, bonvolu peti ĝin de la Konsulino.
“[En Nov-Jorko] la Komitato de Neregistaraj Organizoj pri Lingvoj gastigis aparte gravan kunsidon lastatempe. La reprezentantoj de UEA en Unuiĝintaj Nacioj tion organizis. Kiel vi scias, unu el la UEA-prioritatoj estas emfazi, memorigi, pledi por multlingvismo en UN (kontraŭe al la ĉiam kreskanta monopolo de la angla lingvo).”
HeKo 893 8-C, 15 nov 25
“Mi informas vin, ke mi ne povas partopreni la Parlamenta sesion kiu okazos en Buĵumburo 1 januaro 2026. La kialoj estas multaj, devenantaj de la multaj malfacilaĵoj, kiujn mi alfrontis dum la pasintaj jaroj dum la M23-milito, kiu grave malfortigis nin per rabado de ĉiuj niaj ekonomiaj havaĵoj el nia tajlora kaj kudrolaborejo” skribis sen.
HeKo 893 7-C, 15 nov 25
Cirkuladas la falsa informo aŭ erara opinio ke la Esperanta Civito organizas kongresojn; sed ĝi nek organizas nek aŭspicias, nur povas subsidue utili al la paktintaj establoj kiuj organizas ilin: STELO kaj KCE por Kultura Esperanto-Festivalo, ENa por NaturAmika KulturSemajno en Esperanto, FAR por Danuba Esperanto-Rendevuo, kaj tiel plu.
La ordinara Asembleo de Esperanta Naturamikaro estas kunvokita al Malago, ĉe la naturamika Esperanto-Domo, por 12 februaro 2025 je 17h00, kadre de la kutima monata renkonto aŭ Verda Ĵaŭdo, sub la prezido de c-ano Carlos Spinola, vicprezidanto.
HeKo 893 5-C, 13 nov 25
Du tuthoraj teleseminarioj okazis lastatempe prepare al la vojaĝo de Civitaj geparlamentanoj al Bujumburo fine de decembro, por partopreni en la unua Esperanta Konferenco en Afriko kaj en la Parlamenta sesio de la Esperanta Civito.
Literatura Foiro kaj Esperanta Naturamikaro partoprenos la 6an Virtualan Kongreson de Esperanto, rete organizatan de UEA komence de decembro, por prezenti sian historion, aliron kaj agadon.
Sen. Anna Bartek kaj c-ano Georgi Mihalkov, prezidanto respektive vicprezidanto de Fajszi Amika Rondo, interkonsiliĝis hieraŭ en Budapeŝto kun c-ano Giorgio Silfer, vickonsulo pri financoj: la temoj estis Landa Fremdlingva Biblioteko, kie situas la fama Fajszi-kolektaĵo, kaj la 7a Danuba Esperanto-Rendevuo dum Pentekosto 2026.
