Tiel aspektis Esperantio je la unua kanonpafo
HeKo 561 2-B, 1 jul 14
Kion signifas Aŭgusto 1914 en la historio de Esperantio? Esence, la haltigon de tuta evoluo kaj la ekon de aliaj procezoj.
Kion signifas Aŭgusto 1914 en la historio de Esperantio? Esence, la haltigon de tuta evoluo kaj la ekon de aliaj procezoj.
Kataluna premiero de "Albaniva" en Sabadelo
HeKo 561 1-B, 28 jun 14
Unuan fojon kataluna esperantlingva publiko renkontiĝis kun kamiŝibajo, enkondukita en nian literaturon kiel novan teatran ĝenron fare de Giorgio Silfer, danke al la kataluna premiero de lia verko “Albaniva kaj ŝiaj sep nanoj” hieraŭ vespere ĉe la bela sidejo de la invitinta Esperanto-Centro en Sabadelo.
PEN-kunveno pri tradukarto en Girona
HeKo 560 9-B, 26 jun 14
Dek sep literaturoj estas reprezentataj en la konferenco de la PEN-Komitato pri tradukarto kaj lingvaj rajtoj, okazanta en Ĝirono (Katalunio). Ili estas la esperanta, eŭska, finna, franca, hungara, japana, kataluna, kebeka, kosova, kurda, portugala, romanda, slovena, sud-afrika, svisitala, tibeta, ujgura.
Malbonas la aero en UEA survoje al Bonaero
HeKo 560 8-A, 22 jun 14
Kreskas la zorgemo en Universala Esperanto-Asocio pro la manko de estrara raporto, submetenda al la Komitato kaj al ĉiu asociano, laŭ la rajto statute donita eĉ al individuaj membroj, okaze de t.n. Ĝenerala Kunveno.
La foliegoj de "Heroldo de Esperanto"
HeKo 560 7-B, 21 jun 14
De tempo al tempo “Heroldo de Esperanto” proponas unutemajn paĝojn al sia legantaro. Okazis ekzemple pri la centjariĝoj de la Fundamento, de Universala Esperanto-Asocio kaj la kvindekjariĝo de la Rezolucio de Montevideo.
La lastaj du numeroj (2222 kaj 2223) dediĉas “paĝegojn” al la familio Zamenhof respektive al la ora jubileo de la revuo “Kontakto”.
Bertil Nilsson en la lasta Literatura Kafejo
HeKo 560 6-B, 20 jun 14
Deksesa Literatura Kafejo en Budapeŝto, hieraŭ organizita de Fajszi Amika Rondo sub aŭspicio de Esperanta PEN-Centro. Eminenta gasto la prezidanto mem de la Esperanta PEN, c-ano Bertil Nilsson, edukita en la sveda. Estis prezentitaj pluraj verkoj de li tradukitaj el la sveda literaturo.
Kunveno pri la tradukinto de la "Dia Komedio"
HeKo 560 5-A, 19 jun 14
Kunveno pri “Giovanni Peterlongo, la esperantista urbestro” okazos itallingve en Trento, 24 junio 2014, 16h15, ĉe la urba biblioteko. Interalie ĝi honoros la 50an datrevenon de la publikigo de lia traduko de “La Dia Komedio” de Dante Alighieri kaj la centjariĝon de la Trenta Esperanto-Grupo.
Prelegos
Giuseppe Ferrandi, direktoro de la Historia Muzeo de Trentolando:
La paktintoj rajtas registri siajn blazonojn
HeKo 560 4-C, 18 jun 14
La paktintaj establoj rajtas registri siajn blazonojn, laŭ la artikolo 7 paragrafo 4 de la Konstitucio. Ĝis nun faris tion nur kvar paktintoj, nome: AEU, ENa, KCE, LF-koop.
Laborposteno en germanlingvaj lokoj
HeKo 560 3-C, 17 jun 14
Kliento de Fondumo Pro Esperanto proponas plentempan laborpostenon kiel privatan asistantinon por projekto de hotela entrepreno en germanlingvaj lokoj.
HEA redonas la monkolekton al la donacintoj
HeKo 560 1-A, 14 jun 14
La longa diatribo inter s-ro László Szilvási kaj Hungaria Esperanto-Asocio pri pretendata kredito de la unua ĉe la dua jam atingis solvon negativan por Szilvási: laŭ propono de d-ro Gábor Márkus (HEA-komitatano ĉe UEA) HEA neniam pagos la koncernatan sumon.
Posteno en Fondumo Pro Esperanto
HeKo 560 2-C, 16 jun 14
Fondumo Pro Esperanto serĉas novan kontiston, por anstataŭi la nunan, kies ofico ĉesos fine de 2014.
Estas tri bazaj postuloj: a) honesta kompetento pri librotenado; b) scipovo de almenaŭ unu el la tri oficialaj svisaj lingvoj; c) posedo de la esperanta civitaneco.
Loĝloko: kie ajn, sed prefere en Eŭropo.
Trans hobio kaj profesio en Esperantio
HeKo 559 9-A, 11 jun 14
Alfredo eterne prezidis lokan esperanto-klubon en Svislando. Ĝi kunvenadis en lia hejmo, ĉar li (profesie kuracisto) disponis je sufiĉe granda salono kaj estis tro pigra por iri aliloken. Krome, tiamaniere li diskrete kontroladis la klubon; kiu ne hazarde mortis antaŭ ol li mem… Unu el liaj ŝiboletoj estis la deklaro: “mi estas nur hobia esperantisto”.