Heroldo Komunikas | Heroldo Komunikas

Kiselman prezidonto de la Akademio

HeKo 539 7-A, 14 sep 13

Laŭ artikolo en “Heroldo de Esperanto” verkita de ak. Carlo Minnaja, retrospektive pri la lastaj tri jardekoj de la Akademio de Esperanto, Christer Kiselman estas la sola kandidato al la prezido de la Akademio, post la retiriĝo de John Wells. Li estos ankaŭ la sola nova estrarano, tial ke la ceteraj tri restas en sia posteno, sen konkurantoj.

Legu pli pri Kiselman prezidonto de la Akademio

Dudek jarojn post la agnosko en Santiago

HeKo 539 6-B, 13 sep 13

Dum la ĵus ﬁnita PEN-mondkongreso en Islando la esperanta delegacio regalis la gekolegojn per tostoj kun italaj vinoj (el Lombardio), omaĝe al la dudeka datreveno de la agnosko pri esperanto kiel literatura lingvo, dum la PEN-mondkongreso en Santiago de Kampustelo (Galegio), 10 septembro 1993.

Legu pli pri Dudek jarojn post la agnosko en Santiago

PEN kiel verkista fako de Amnestio Internacia

HeKo 539 5-B, 12 sep 13

Multaj rezolucioj pri homaj rajtoj estis aprobitaj hieraŭ fare de la Asembleo de la delegitoj ĉe la PEN-mondkongreso en Rejkjaviko. Ili koncernis la situacion en diversaj landoj: de Rusio al Meksiko, de Popola Ĉinio al Hispanio, de Kubo al Sirio, de Eritreo al Vjetnamio, de Tibeto al Latina Ameriko.

Legu pli pri PEN kiel verkista fako de Amnestio Internacia

Nova informa strategio por "UEA interne"

HeKo 539 4-A, 11 sep 13

Dum multaj jaroj kelkaj diskutlistoj en “UEA interne” estis libere legeblaj: ankoraŭ nun en la UEA-retejo por tiu de la Komitato estas la averto “publika por legado”. Tamen tio ne plu respondas al la vero.

Forpasis civitano Jerzy Fornal

HeKo 539 3-C, 11 sep 13

Unu el niaj plej valoraj profesiaj aktoroj kaj probable nia plej talenta mimo forpasis hieraŭ en Varsovio: Jerzy Fornal. Lia edzino, Zoﬁa Banet Fornalowa, mortis antaŭ nur unu jaro, kaj li ne povis elteni la doloron pli longe. Ili ambaŭ havis la esperantan civitanecon.

Legu pli pri Forpasis civitano Jerzy Fornal

La esperanta prozo gastas en literatura festivalo

HeKo 539 2-B, 10 sep 13

Tre sukcesa literatura kafejo hieraŭ vespere en la urbocentro de Rejkjaviko, kadre de la PEN-mondkongreso kaj de la paralela literatura festivalo. La agrabla lokalo IDA Zimsen estis plena de aŭskultantoj, fakte aŭskultantinoj, ĉar praktike nur virinoj ĉeestis. Ankaŭ virinoj gastis por prezenti siajn verkojn, kun la sola escepto de Giorgio Silfer.

Legu pli pri La esperanta prozo gastas en literatura festivalo

Ekis la 79a mondkongreso de PEN

HeKo 539 1-B, 9 sep 13

En la sama kongresejo de la lasta UK ekis hodiaŭ la 79a mondkongreso de PEN Internacia. Komitatkunvenoj kaj laborgrupoj antaŭis la solenan malfermon, kiu tamen ne okazis podiume kaj partere, sed per akcepta bankedo kun interveno de aŭtoritatoj.

Legu pli pri Ekis la 79a mondkongreso de PEN

Nova prezidanto por Bulgara Esperanto-Asocio

HeKo 538 9-A, 8 sep 13

Boris Gaĝanov el urbo Velingrad estis elektita kiel prezidanto de Bulgara Esperanto-Asocio dum la 65a kongreso hodiaŭ ﬁnita en urbo Sliven.

Legu pli pri Nova prezidanto por Bulgara Esperanto-Asocio

Tagoj de la Esperanta Kulturo 2013 en Andaluzio

HeKo 538 8-B, 3 sep 13

La Esperanto-Domo en Malago prizorgos du Tagojn de la Esperanta Kulturo, 15-16 decembro 2013, sub la aŭspicio de la Esperanta Civito.

En Malago dimanĉon la 15an ekde 10h00 c-ano Bertil Nilsson enkondukos debaton pri la temo: “La kultura historio de la esperanta popolo”. Sekvos Zamenhofa bankedo, 14h30.

Legu pli pri Tagoj de la Esperanta Kulturo 2013 en Andaluzio

Urba pado kondukis al Endre Ady

HeKo 538 7-B, 1 sep 13

La hodiaŭa “urba pado” en Budapeŝto, organizita de Fajszi Amika Rondo sub la aŭspicio de Esperanta Naturamikaro, startis per vizito ĉe la eta muzeo dediĉita al la eminenta poeto Endre Ady, tute proksime al la Elizabeta ponto.

Legu pli pri Urba pado kondukis al Endre Ady

La orienta legacio ekde nun aktiva

HeKo 538 6-C, 30 aug 13

La dua legacio de la Esperanta Civito estis inaŭgurita hodiaŭ en Budapeŝto. Ĝi situas en centkvadratmetra apartamento, prizorgata de Fondumo Pro Esperanto kiel regio, kun direkcia salono, vasta dormoĉambro, manĝosaloneto, kuirejo, agrabla enirejo, duoblaj higienaj servoj kaj du magazenetoj. La apartamento estas ankaŭ la oﬁciala adreso de Fajszi Amika Rondo, aliĝinta al la Pakto.

Legu pli pri La orienta legacio ekde nun aktiva

Kunvenis la redakta stabo de "Literatura Foiro"

HeKo 538 5-B, 29 aug 13

La redakta stabo de “Literatura Foiro” havis ﬁzikan kunvenon hodiaŭ en Budapeŝto, ĉe la legacio de la Esperanta Civito. Krom la ĉefredaktoro, Ljubomir Trifonĉovski, ĉeestis multaj konstantaj kunlaborantoj: Marie-France Conde Rey, Perla Martinelli, György Nanovfszky, Làszlò Radacsy, Giorgio Silfer, Walter Zelazny kaj redaktoro de “Heroldo de Esperanto”, Anna Bartek.

Legu pli pri Kunvenis la redakta stabo de "Literatura Foiro"

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.