Heroldo Komunikas | Heroldo Komunikas

Lingotesta sesio en Buĵumburo, decembro 2017

HeKo 658 7-B, 18 sep 17

Kultura Centro Esperantista organizas la duan grandan lingvotestan sesion en Buĵumburo (Burundio), kunlabore kun Societo Internacia por Paco Universala, okaze de la Oka Afrika Kongreso de Esperanto (22-27 decembro 2017).

Tio estos escepta ŝanco por atingi superan diplomon de esperanto, interalie C2, kiun nur la Esperanta Civito rajtas doni. Sed eblos ankaŭ aliĝi por aliaj niveloj.

TEJO bezonas plian apartamenton en Roterdamo

HeKo 658 6-A, 17 sep 17

UEA aĉetis apartamenton por luigi ĝin al TEJO (je merkata tarifo), sed TEJO nun serĉas loĝejon en/apud Roterdamo por tri homoj kiuj volontulas en la Centra Oﬁcejo.

TEJO anoncas ke “la volontuloj estas valoraj junuloj kiuj laboras por la bonfarto de la organizo. Helpi ilin signifas kontribui al la progresigo de esperanto”.

Jam tri aĉetontoj por HdE 2018

HeKo 658 5-B, 16 sep 17

La Administra Komitato de LF-koop kunvenos en Budapeŝto, 15 oktobro 2017, sub la prezido de d-ino Perla Martinelli. En la tagordo situas la tri proponoj de aĉeto de la gazeto “Heroldo de Esperanto”, kies proprieto revenos al la kooperativo je Novjartago 2018.

Lexus dekalendarigas la abonojn al HdE

HeKo 658 4-B, 16 sep 17

Mia abonsistemo ne estas bazita sur la civila jaro (esprimo uzata en Brazilo por nomi la jaron de januaro al decembro), sed surbaze de la ﬂuo de la tempo ekde la abono. Tio estas, pro la nuna malfruo Lexus ne devos eldoni kaj sendi numerojn de la antaŭaj monatoj: la abonantoj ricevos ĉiujn numerojn, ekde la normaligo de mia situacio.

Gravan atingon de individuo kompromitas informadiko

HeKo 658 3-A, 15 sep 17

La 13an de septembro vespere la redakcia direktorino de Unesko-Kuriero, Jasmina Šopova, dissendis mesaĝon al dek sep funkciuloj de Unesko. En la mesaĝo ŝi kunsendis al la kolegoj tri fotojn pri Unesko-Kuriero en esperanto senditajn de mi.

La Kapitulo kunvenos ankaŭ pri Katalunio

HeKo 658 2-C, 14 sep 17

La Kapitulo de la Esperanta Civito estas kunvokita al skajpa kunveno, 19 septembro 2017. El la sep membroj, tri situos samloke, en urbo Malago. Unuafoje partoprenos c-ano Libéré Mudende, nova vickonsulo pri socialaj aferoj.

Debato pri la stato de Eŭropa Unio

HeKo 658 1-E, 14 sep 17

Hieraŭ la prezidanto de la Eŭropa Komisiono, Jean-Claude Juncker, prezentis sian vidpunkton pri la estonteco de Eŭropo, dum la debato je duono de la parlamenta mandato. Li anoncis iniciatojn kaj novaĵojn en la fakoj sekureco, defendo, migroﬂuoj kaj internacia komerco.

Fischer-Kotowski: Lexus maltrafis grandan ŝancon

HeKo 657 9-B, 13 sep 17

La malforto de unu povus fortigi aliajn. Tiel estas ankaŭ nun – la neinteresa kaj malgraviĝanta “Esperanto” [de UEA] liberigas la spacon por sendependaj movadaj revuoj. Tiuj, kiuj malabonas “Esperanton” pro malkontento, povas ekaboni alian revuon. Ĉu?

Esperanto en "Todo el mundo en un libro"

HeKo 657 8-B, 12 sep 17

Estas preparata la internacia antologio “Todo el mundo en un libro” (La tuta mondo en unu libro), per kiu la argentina verkisto Sergio Gault vel Hartman celas arigi mikronovelojn pri la lukto de homoj por konservi aŭ akiri sian dignon, identecon kaj integrecon.

Krizo de Heroldo: Valle ne kunvokas la redakcion

HeKo 657 7-B, 12 sep 17

“Ne maltranviliĝu. Mi zorgas pri la aspekto “redakcio” kaj “regula apero de Heroldo”. Oportune vi, kiel aŭtoroj de konstanta rubriko en Heroldo havos novaĵojn. Kunsido per skajpo de kelkaj konstantaj kunlaborantoj nun ne multe utilos. Cetere, ﬁnpretigo de la dua numero bezonas mian atenton kaj tempon.”

La Konsulino kolizias kun la opozicio

HeKo 657 6-C, 11 sep 17

Ne plaĉas al la Konsulino la plendo de la blanka grupestrino pri ŝia malrespekto al la opozicio. Hodiaŭ sen. Chamberline Nguefack publike replikis:

Dua afrikano en la Kapitulo

HeKo 657 5-C, 10 sep 17

Post sen. Chamberline Nguefack Zedong el Kamerunio, Konsulo, dua afrikano eniras la Kapitulon dum ĉi tiu mandato: temas pri c-ano Libéré Mudende el Burundio. Li transprenas la delegon pri socialaj aferoj, specife internacia kooperado kaj Tria Mondo.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.