Heroldo Komunikas | Heroldo Komunikas

La redakcio kunvenis pri "Literatura Foiro" 293

HeKo 679 5-B, 18 maj 18

La konstantaj membroj de la redakcio de “Literatura Foiro” kunvenis hieraŭ vespere sub la kunordigo de c-ano Zlatoje Martinov, ĉefredaktoro. Alestis gec-anoj Perla Martinelli (asista redaktoro, feminaj paĝoj), Marie-France Conde Rey (kino), Carlo Minnaja (recenzoj), Fernando Pita (lingvistiko), Giorgio Silfer (teatro).

Legu pli pri La redakcio kunvenis pri "Literatura Foiro" 293

Sociologie pri Esperantio: la disertacio de Irene Caligaris

HeKo 679 4-A, 17 maj 18

Simone de Beauvoir donis negativan takson pri sociologio, dum ŝia usona amanto Nelson Algren parolis iom fervore pri tiu nova scienco. La duboj de la ĉefa partnerino de Jean-Paul Sartre daŭre aktualas, precipe kiam oni legas (mikro)sociologian studon pri Esperantio.¹

Literatura Nobelo: pliaj PEN-centroj kandidatigos

HeKo 679 3-B, 15 maj 18

Krom la Esperanta, aliaj PEN-centroj ekpromesas subteni la kandidatecon de esperanto-verkisto al la literatura Nobel-premio. La prezidanto de unu el ili, kiu bone konas la membrojn de la Sveda Akademio, opinias ke “pro la ĵusaj problemoj en tiu akademio maturiĝis la tempo por alispecaj kandidatoj ol tiuj de la kutimaj antikvaj kulturlingvoj”.

La naturamika junularo akceptis nian amendon

HeKo 679 2-B, 12 maj 18

Esperanta Naturamikaro partoprenis la ordinaran Asembleon de la Internacia Junularo Naturamika (IYNF), per dupersona delegacio el Andaluzio. La Asembleo disvolviĝis hodiaŭ en provinco de Livorno (Toskanio), ĉe la granda naturamika domo de Cecina, kun okdeko da litoj: speco de Greziljono en formo de farmo, ĉe granda arbaro sed apud la Tirena maro.

Legu pli pri La naturamika junularo akceptis nian amendon

Nova esperanto-klubo en Uvira (Kongolando)

HeKo 679 1-B, 10 maj 18

C-ano Augustin Mbomba Kuluba anoncas la fondon de nova esperanto-klubo en Uvira, urbo en Kivuo, sudorienta regiono de Kongolando, bedaŭrinde traﬁta ofte de militaj kaj banditaj epizodoj dum la lastaj jaroj.

Legu pli pri Nova esperanto-klubo en Uvira (Kongolando)

Oficialigoj de Islama Esperanta Klubo

HeKo 678 9-B, 8 maj 18

Islama Esperanta Klubo oﬁcialigis sian blazonon: temas pri la fundamenta blazono de la Esperanta Civito, kun aldone blanka lunkreskanto en la verda duono, turnita alten. La blazono aspektas tre simpatie, kvazaŭ blanka rideto sub la Verda Stelo.

Legu pli pri Oficialigoj de Islama Esperanta Klubo

La maja "Heroldo" de KCE estas presata

HeKo 678 8-B, 7 maj 18

“Heroldo de Esperanto” aperadas tute akurate kiel organo de Kultura Centro Esperantista: la numero 2284 (5:2018) estas presata. Ĝi enhavas interesajn raportojn de c-ano Carlos Spinola pri la indonezia esperantistaro, de c-ano Hilary Chapman pri brita kaj tutkelta kongresoj, de c-ano Ŝaban Abasi pri Islama Esperanta Klubo.

Legu pli pri La maja "Heroldo" de KCE estas presata

Borsa analizo de Esperantio - aprilo 2018

HeKo 678 7-C, 5 maj 18

Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari legacon aŭ donacon.

Legu pli pri Borsa analizo de Esperantio - aprilo 2018

Jarlibro la unua viktimo de la UEA-deficito

HeKo 678 6-A, 3 maj 18

La profunda ﬁnanca krizo en Universala Esperanto-Asocio, kun anoncita pasivo de 160.000 eŭroj nur en 2017, kaj prognozita plia truo de 130.000 en 2018, kaŭzis la unuan viktimon: la jarlibro.

Legu pli pri Jarlibro la unua viktimo de la UEA-deficito

Ĉu la balotmalsano de UEA kontaĝis TEJOn?

HeKo 678 5-A, 1 maj 18

Tutmonda Esperantista Junulara Organizo travivas nefacilan momenton je sia gvida nivelo. Same kiel Universala Esperanto-Asocio ĝi perdis kernan estraranon ﬁne de 2017 (la prezidanton mem, dum por UEA temis pri la ĝenerala sekretario), kaj same kiel UEA ĝi klopodis anstataŭigi lin kaj aldoni novajn estraranojn.

Legu pli pri Ĉu la balotmalsano de UEA kontaĝis TEJOn?

Literaturaj kafejoj ĝis jarfino 2018 en Budapeŝto

HeKo 678 4-B, 29 apr 18

Post la sukcesa aprila 46a Literatura Kafejo en Budapeŝto, kie gastis la kroata aŭtoro kaj eldonisto Josip Pleadin, la fondumo Fajszi Amika Rondo ĝojas anonci la programon planatan ĝis la ﬁno de 2018.

Éva Tófalvy gastos pri sia lasta libro, dediĉita al Sándor Szathmári, 17 majo 2018. Bonvenigos ŝin d-ro Balázs Wacha.

Legu pli pri Literaturaj kafejoj ĝis jarfino 2018 en Budapeŝto

Kreskas la stabo de Civila Esperanta Servo

HeKo 678 3-C, 27 apr 18

Atingis dekon da homoj la amplekso de Civila Esperanta Servo. La stabo konsistas el tri niveloj: du majstroj, tri pacistoj kaj kvar rekrutoj. Super ili situas komisaro, nomata de la Konsulo de la Esperanta Civito. Entute kvin viroj kaj kvar virinoj, plejparte kun la hispana kiel ĉefa eduklingvo; sed ĉiuj parolantaj esperanton, je diversaj niveloj (de A1 ĝis C2).

Legu pli pri Kreskas la stabo de Civila Esperanta Servo

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.