Neimageble… tamen vere! Unupersona esperanto-teatro “Espero” de c-ano Jerzy Fornal en Varsovio funkcias jam 25 jarojn. Dum tiu periodo TEV prezentis 17 monodramojn en Pollando, kie ĝi fondiĝis en 1982, sed ankaŭ vaste en la mondo: pluraj landoj de Eŭropo, Argentino, Brazilo, Israelo, Japanio kaj Sovetio; ludinte dum kongresoj, konferencoj kaj en klubejoj.
Ekde nun ĉiun duan jaron okazos la Eŭropa Esperanto-Kongreso, kaj venontfoje en Herzberg (Germanio), la sola urbo kiu invitis (kvankam neniu hercbergano ĉeestas en Mariburgo). Jen la plej grava decido de la Asembleo de EEU, konsistanta el la delegitoj de la landaj asocioj.
Sub la gvido de Eva Barandovska-Frank la dua ronda tablo pri interkultura dialogo dum la Eŭropa Esperanto-Kongreso en Mariburgo proponis intervenojn de Sean O” Riain, Alex Kadar kaj François Lo Jacomo.
Hieraŭ disvolviĝis la unua ronda tablo pri “Interkultura dialogo kaj komunikado”, kadre de la 7a Eŭropa Esperanto-Kongreso: partoprenis du EU-parlamentaninoj, Margareta Handzlik kaj Ljudmila Novak, kaj eksa senatano de la Esperanta Civito, mag. Vinko Ošlak.
La Esperantista domo de kulturo “D-ro Ivan Kirĉev” partoprenis en projekto de la urbestraro de Razgrado (Bulgario) pri eldono de preskaŭ 350-paĝa libro dediĉita al d-ro Ivan Kirĉev. Kompilintoj de la libro estas Dimitar Petrov kaj Svilen Marinov.
HeKo 334 9-C, 26 jul 07
HeKo 334 8-C, 25 jul 07
HeKo 334 4-C, 18 jul 07
