La Universala Deklaracio pri la Homaj Rajtoj situas je la fundamento de la internacia komunumo, pli specife de Unuiĝintaj Nacioj. En Esperantio multaj ŝajne referencas al Homaj Rajtoj, sed nek Universala Esperanto-Asocio, nek Sennacieca Asocio Tutmonda, nek Tutmonda Esperantista Junulara Organizo mencias la Deklaracion en siaj statutoj.

La abonantaro de “Literatura Foiro” estas voĉdonanta pri nomo reprezentanta la esperantan literaturon okaze de kandidatigo al la Nobel-premio. La plej oftaj nomoj estas tiuj de István Nemere, Giorgio Silfer, Trevor Steele kaj Spomenka Ŝtimec.

Deklaracio pri la esenco de la afrika esperantismo. Institut Zamenhof en Lomeo. Lernejo en Kinŝaso kaj orfejo en Kivuo. Instruado en plej diversaj lokoj, de la kampoj por rifuĝintoj ĝis la universitatoj. La aktiveco de Societo Internacia por Paco Universala. Kaj tiel plu: la afrika Esperantio kreskas — ĉu ni (kon)scias pri tio?

Esperanta Naturamikaro celebros la Tagon de la Esperanta Kulturo 15 decembro 2017 per agrabla spagetumo ĉe la Esperanto-Domo en Andaluzio. La postan tagon la prezidanto de ENa gvidos ekskurson al Torrox, kie oni festos la tridekan datrevenon de la starigo de Esperanto-Strato.

Perturbas la eŭropajn diplomatiojn la ĵusa decido de prezidento Donald Trump transloki la usonan ambasadon de Tel-Avivo al Jerusalemo. Protestas aliaj subjektoj en la mez-orienta regiono, unuavice la Palestina Aŭtoritato.

Komence de decembro 1967 forpasis Ferenc Szilágyi, eksbudapeŝtano en Svedio. Inter la homoj kiuj konis lin persone kaj rekte interparolis kun li, mirante pro lia ankoraŭ perfekta hungara akĉento, situas Vilmos Benczik.

Irlando fariĝis la ĉefa obstaklo en la intertraktado por la brita secesio el Eŭropa Unio. La problemo estas trioble plektita.

Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari legacon aŭ donacon.

Al Civitanino Chamberline Nguefack Zedong, Konsulo

Mi skribas al vi kiel dojeno de la Forumo.

Pasis pli ol du monatoj post la interpelacio de c-ano Lovriĉ, delegito de Fajszi Amika Rondo. La interpelacion apogas jam du aliaj establoj: LF-koop kaj KCE.

Alarma sonorilo por la nuna Estraro de Universala Esperanto-Asocio, okaze de la ĵusa baloto pri la prokrastita buĝeto 2018. La Komitato aprobis la rekorde deficitan buĝeton (truo de 140.000 eŭroj!) per 27 voĉoj poraj, 10 kontraŭaj kaj 10 sindetenaj (kaj 15 ne voĉdonis). Tio signifas ke prezidanto Fettes havas la plimulton, sed ne la plejmulton en la Komitato.

Ekde la jarkolekto 2018 la gazeto “Heroldo de Esperanto” estos ree produktata en Bulgario kaj administrata en Svislando. Ĝi aperos komence de ĉiu monato, je la servo de ĉiu establo aliĝinta al la Pakto por la Esperanta Civito, unuavice Kultura Centro Esperantista.

Kiel kutime ĉiun duan jaron la Forumo renovigas la arbitracian instancon de la Esperanta Civito. La Kortumo konsistas el tri membroj, al kiuj aldoniĝas du vicmembroj.

La elirantaj kortumanoj Hilary Chapman, Morison Feïdegaï kaj Tiziana Rogora rekandidatas. Al ili aldoniĝas kiel kandidatoj c-anoj Giuseppe Campolo kaj Andrés Martín.