Kvindeko da meksikaj esperantistoj partoprenas en la perkoresponda kurso prepare al la unua Meksika Esperantologia Seminario, organizata de Meksika Esperanto-Federacio kaj Meksika Esperanto-Instituto okaze de la landa kongreso en Aguascalientes, komence de majo 2008.
Esperantista domo de kulturo “D-ro Ivan Kirĉev”, Razgrado (Bulgario), invitas al partopreno en la 18a Internacia Literatura Konkurso pri poezio kaj humuraĵoj originale verkitaj en esperanto “EKRA-2008”, je libera temo. La verkoj devas esti ĝis nun ne publikigitaj en periodajhoj, partoprenintaj en aliaj konkursoj aŭ afiŝitaj en Interneto.
HeKo 344 7-C, 14 jan 08
Merkredon la 9an de januaro la Prezidento de la Burundia Respubliko, s-ro Pierre Nkurunziza, ricevis la Konsulon de la Esperanta Civito, c-anon Giorgio Silfer, en oficiala aŭdienco ĉe sia rezidejo en Ngozi. La Konsulon akompanis la prezidanto de SIPU, c-ano Frederiko Nimubuna, kaj la direktoro de Afrika Esperanto-Instituto, c-ano Marteno Mbazumutima.
La Konsulo de la Esperanta Civito inaŭguris la sidejon de Afrika Esperanto-Instituto en Buĵumburo, ĉefurbo de Burundio, 8 januaro 2008.
De la 28a ĝis la 30a de decembro 2007 okazis la 15a Togolanda Esperanto-Kongreso en la urbo Aneho. Ĝin partoprenis du francaj gastoj kaj sepdeko da togolandaj esperantistoj, el kiuj almenaŭ duono estas anoj de Institut Zamenhof.
HeKo 344 2-C, 19 dec 07
En intervjuo aperinta en reta skandalgazeto, redaktata de Kalle Kniivilä (ekde oktobro 2005 “persona non grata” ĉe la Esperanta Civito, pro oftaj mensogoj kontraŭ ĝi kaj ĝiaj paktintoj, sen ebleco refuti kaj sen kontakto kun la koncernatoj por montri alies version), al d-ino Katalin Kováts estas atribuitaj almenaŭ du eraraj respondoj.
HeKo 344 1-C, 18 dec 07
Antaŭ ol esti lingvo de paco, Esperanto estas lingvo de espero.
Per diskuto pri la sorto de la librokolekto kaj la arkivo de Esperanto-societo “Sukceso”, kaj pri la eblecoj ilin pliriĉigi kaj savi, pasis la renkontiĝo de la esperantistoj en Vraco (Bulgario) okaze de la Tago de la Esperanta Kulturo kaj omaĝe al la Zamenhofa naskiĝtago, 15 decembro 2007.
HeKo 343 7-C, 15 dec 07
La Konstitucio de la Esperanta Civito registris la tradicion de la Dekkvina de Decembro, Tago de la Esperanto-Libro, sub la pli vasta sed tute kongrua difino “Tago de la Esperanta Kulturo”.
