C-ano Koffi Gbeglo respondis al s-ro Oliver Mazodze, kiu per dua publika letero (dissendita de d-ro Renato Corsetti) distanciĝis de la “afrikanistoj” kaj de ilia nova kreitaĵo, Unuiĝo de Esperantistoj en la Tuta Afriko.
La ordinara Asembleo de Societo Yvonne Martinot, posedanta la staĝejon “La Kvinpetalo”, altiris dudekon da membroj 11 aprilo 2010. Kiuj atendis solvon de la dilemo aperinta okaze de la eksterordinara Asembleo de la pasinta oktobro, tiuj restis frustritaj.
La nova mikropartio “Unu Mondo” pretas ensorbi la germanan filion de Eŭropo-Demokratio-Esperanto kaj secesii el la politika movado iniciatita de Christian Garino en 2003.
Roterdamo pormomente silentas pri la nova kurso en la afrika Esperantio, aŭ pli precize: UEA-gvidantoj enfokusigas la atenton al la opinio de afrikanoj kiuj malkonsentas kun la disidentoj en Togolando, Niĝerio, Eburio kaj aliloke.
HeKo 433 4-C, 15 apr 10
Laŭ la art. 28 § 2 de la Senata Reglamento, la Konsulo vokas al senatokonsulto, devige laŭ peto de senetano, libervole laŭ peto de ajna civitano. C-ano Carlos Maria el Brazilo estas la unua ne parlamentano kies proponon la Konsulo submetas al senatokonsulto, ekde hieraŭ ĝis la fino de aprilo.
Tiu ĉi tago 14a de aprilo ion gravan memorigas al ĉiuj Esperantistoj. Temas pri la morto de Zamenhof. Memorindas, ke la 14an de aprilo 2006 lanĉiĝis la Deklaracio pri la Esenco de Afrika Esperantismo (DEAE). Nun estas la vico de io alia sed plu en Afrika Agado. Jen ekfunkcias UETA (Unuiĝo de Esperantistoj en la Tuta Afriko).
“La kooperativo de Literatura Foiro volas hodiaŭ honori per ĉi tiu simpla ceremonio la memoron de pluraj personoj, kiuj kontribuis al ĝia naskiĝo, al ĝia kresko, al ĝia firmiĝo tra kvar jardekoj.
Estimata ĉefredaktoro de “Literatura Foiro”,
Mi dankas pro la unua ĉi-jara numero de via kultura revuo. Ĝi estas vere bonega revuo, tre interesa kaj enhavoriĉa. Mi havas impreson, ke dum la paso de tempo la nivelo de LF ĉiam kreskas kaj fariĝas ĉiam pli alta. Mi tre ĝojas, ke mi povas aboni ĝin.
Johan Derks dubas, ĉu la prezento de Osmo Buller pri la taskoj de Estraro kaj Komitato precize redonas tion kio estas skribita en la statuto de UEA (art. 33 kaj 29).
Estas daŭre sen respondo la ultimato de Unuiĝo Togolanda por Esperanto. Kio okazos se la estraro de UEA ne respondos antaŭ la 1a de majo al sia landa asocio en Afriko?
La Komitato [de UEA] komunikiĝas rete jam pli ol dek jarojn (tiu ĉi [publika] listo ekzistas ekde 1999), sed sencohavaj diskutoj estis maloftaj, kio ja ne estas problemo nur en tiu ĉi listo. Antaŭe ne estis retlistoj, sed ekz. pri agadplanoj oni diskutis multe koresponde kaj krome en la revuo “Esperanto” k.a. gazetoj, en landaj kongresoj, ktp.
Kataluna Esperanto-Junularo organizas sian 6an Internaciisman Renkontiĝon. Temas pri kongreseto disvastiganta la principaron pri lingva daŭripovo kaj Esperanton en la Kataluna Landaro, kaj la katalunan lingvon kaj kulturon al internaciaj partoprenantoj. Tial ni ĉiam klopodas organizi la ĝin kun lokaj anaroj. Kutime partoprenas ĉ. 80 aŭ 100 personoj el la tuta mondo.
