Heroldo Komunikas | Heroldo Komunikas

En Budapeŝto la kvina Ateliero de FEM

HeKo 541 3-B, 10 okt 13

La kvina Ateliero por beletra kaj redakta kreivo, organizata de Feminisma Esperanta Movado kaj celanta la partoprenon de inteligentaj virinoj, okazos en Budapeŝto ĉe la Civita legacio, meze de majo 2014. La elekton de FEM pri Budapeŝto (anstataŭ KCE en Ĉaŭdefono) klarigas la strebo partoprenigi pli multe da orientaninoj.

Legu pli pri En Budapeŝto la kvina Ateliero de FEM

Tri kandidatoj por tri postenoj en KCE

HeKo 541 2-B, 9 okt 13

Tri personoj kandidatas por la tri postenoj en la Komitato de Kultura Centro Esperantista, elektota de la eksterordinara Asembleo 9 novembro 2013. Ili estas:

Legu pli pri Tri kandidatoj por tri postenoj en KCE

Kvindek jaroj de "Verda Raketo"

HeKo 541 1-B, 4 okt 13

Entuziasma pro la tre sukcesa 19a Internacia Junulara Kongreso de TEJO, okazinta en Vraca somere de 1963, kelkajn monatojn poste, je la 4a de oktobro, la instruisto Bojĉo Mladenov fondas ĉe la urba gimnazio “Hristo Botev” la unuan en la lando lernejanan esperanto-societon “Verda Raketo”.

Legu pli pri Kvindek jaroj de "Verda Raketo"

Inaŭgurita la renovigita refektorio de KCE

HeKo 540 9-B, 28 sep 13

La Komitato de Kultura Centro Esperantista “baptis” per aŭtenta ĉampano hieraŭ vespere la ĵus refaritan plankon de salono Klara Zamenhof en la Esperanto-Domo, realigitan de la regio pere de diversaj volontuloj, unuavice c-ano Marek Bamberski.

Legu pli pri Inaŭgurita la renovigita refektorio de KCE

Neniu kandidatas kiel UEA-redaktoro

HeKo 540 8-A, 27 sep 13

Tre malfacila konjunkturo por la komunikada strategio de Universala Esperanto-Asocio, specife por la periodaj eldonaĵoj.

Legu pli pri Neniu kandidatas kiel UEA-redaktoro

Kiselman prezidas, sed bonlingvanoj influas

HeKo 540 7-A, 25 sep 13

Prof. d-ro Christel Kiselman (Svedio) iĝis la nova prezidanto de la Akademio de Esperanto. En la estraro lin kompanos Probal Dasgupta kaj Brian Moon, vicprezidantoj; Renato Corsetti, sekretario-kasisto.

Estis elektitaj ankaŭ la novaj direktoroj de la sekcioj kaj komisionoj:
Sergio Pokrovskij, Faka Lingvo.
Bertilo Wennergren, Gramatiko.
Markos Kramer, Ĝenerala Vortaro.

Legu pli pri Kiselman prezidas, sed bonlingvanoj influas

PEN funebras pro la mortigo de Kofi Awoonor

HeKo 540 6-B, 24 sep 13

Neniu esperantisto mortis en la ĵusa tragedio en Najrobo: s-ino Raja Androvska, rezidanta kun la familio en Kenjo, tuj forlasis la landon. Ŝi estis interalie LKK-ano de la Internacia Junulara Kongreso en Vraco (1993).

Legu pli pri PEN funebras pro la mortigo de Kofi Awoonor

ARKONES 2013 pli malgranda kaj pola ol kutime

HeKo 540 5-A, 23 sep 13

Ĉirkaŭ 150 personoj (malpli ol kutime) partoprenis la 29an ARtajn KOnfrontojn en ESperanto (ARKONES), en Poznano (Pollando) sub la aŭspicio de Tutmonda Esperantista Junulara Organizo. Dum la malfermo la publiko staris pro unuminuta silento omaĝe al la forpasinta Jerzy Fornal.

Legu pli pri ARKONES 2013 pli malgranda kaj pola ol kutime

Dekamerono plu tradukota

HeKo 540 4-B, 22 sep 13

La 700-jara jubileo de la naskiĝo de Giovanni Boccaccio revivigis en d-ino Perla Martinelli la emon daŭrigi la tradukon de la Dekamerono, kies unuaj tri tagoj, do tridek noveloj, aperis ĉe LF-koop en 1993, danke al ŝia kunlaboro kun prof. Gaston Waringhien.

Legu pli pri Dekamerono plu tradukota

En la unua paĝo de la lastaj kvar "Heroldoj"

HeKo 540 3-B, 22 sep 13

Estas presita la numero 2206, presataj la numeroj 2208 kaj 2210, prespreta la numero 2211 de “Heroldo de Esperanto”, nome la raportanta pri eventoj en la esperanto-mondo ĝis la mezo de septembro. Per tio la gazeto ĝisdatiĝis rilate la nunan jarkolekton, kaj ekde la numero 2212 ĝin akompanos unu aŭ du pli fruaj numeroj. Rilate al 2013, la kolekto estos kompleta antaŭ la jarﬁno.

Legu pli pri En la unua paĝo de la lastaj kvar "Heroldoj"

Gecivitanoj en la 29a ARKONES

HeKo 540 2-A, 19 sep 13

Inter la kontribuontoj al la programo de la 29a ARKONES, kiu ekos morgaŭ en Poznano (Pollando), menciindas du artistoj kaj tri prelegistoj kiuj havas la esperantan civitanecon.

Anjo Amika estos la unua kiu koncertos, prezentante repertuaron freŝan kaj klasikan samtempe. Jarlo Martelmonto heroldos sian postfuturisman poezion.

PEN-kolokvo pri tradukarto en oktobro 2014

HeKo 540 1-B, 18 sep 13

Esperanta PEN-Centro, kunlabore kun la Esperanto-Domo en Malago, estas plananta du- ĝis tritagan kolokvon pri la esperanta tradukarto, en Malago meze de oktobro 2014. La aranĝon aŭspicios PEN Internacia, kaj malfermos per ĉefprelego la prezidanto de ties Komitato pri tradukarto kaj lingvaj rajtoj, prof. Josep Terricabras el Barcelono.

Legu pli pri PEN-kolokvo pri tradukarto en oktobro 2014

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.