HeKo 301 5-C, 8 jun 06
La dua AfrES — Afrika Esperantologia Semajno okazos jarfine 2007 en Bujumburo (Burundio). Instruos c-ano prof. Giorgio Silfer. Surloka organizanto estos c-ano Mushosi Birindwa.
La dua AfrES ne rezultos el la kunlaboro inter du paktintaj establoj, kiel estis por la unua jarfine 2005 (KCE kaj TIETo). La projekto dependos rekte de la Civita Kapitulo, kvankam eblas ankoraŭ specifa kontrakto inter Kultura Centro Esperantista kaj burundia paktonta establo.
Same kiel por la unua, por la dua AfrES okazos alvoko al alighoj, kiun sekvos selektado de la kandidatoj, kaj poste kelkmonata perkoresponda kurso. Necesa kondiĉo: almenaŭ lingva nivelo B.2 (laŭ LTSEC, egala al meza grado che ILEI aŭ al la kapableco che FEI), prefere atestita per diplomo. La formado de esperantologoj celos precipe, sed ne ekskluzive, personojn el la centra kaj orienta partoj de Afriko. Laŭ la politikaj kutimoj de la Civito, virinoj havos prioritaton en kazo de helpobezono.
Chamberline Nguefack Zedong, Vickonsulino pri la tria mondo
Aldonu komenton