Paŝoj al plena reeldono
HeKo 650 1-B, 1 jul 17
La librofako de LF-koop komencas ĉi-monate la enpaĝigon de la nova eldono de “Paŝoj al plena posedo”, la klasika lernolibro por progresantoj, verkita de William Auld.
julio 2017
La librofako de LF-koop komencas ĉi-monate la enpaĝigon de la nova eldono de “Paŝoj al plena posedo”, la klasika lernolibro por progresantoj, verkita de William Auld.
BET-53 inaŭgurita en Liepajo, Latvio
HeKo 650 2-A, 2 jul 17
En urbo Liepajo naskiĝis kelkaj el la plej eminentaj latvaj esperantistoj. Sufiĉas mencii Erneston Drezen, ĉefan gvidinton de la soveta Esperantio kaj gravan esperantologon; aŭ Eduardon Jaunvalks , aŭtoron de la plej gravaj lernolibro kaj vortaro por latvoj; aŭ muzikistinon Austran Pumpure, forpasintan komence de ĉi tiu jaro.
Sukcesa seminario pri homaranismo en Latvio
HeKo 650 3-C, 3 jul 17
Estis plejparte dediĉita al la hebrea demando, nome al la rolo de Lazaro Ludoviko Zamenhof en ĉiuj tri eblaj solvoj, ĝis la kvara de li proponita, la hodiaŭa seminario pri homaranismo, organizita de la Norda Legacio de la Esperanta Civito kadre de la 53aj Baltiaj Esperanto-Tagoj en Liepajo (Latvio), kunlabore kun Scienca Instituto Zamenhof.
Duobla tempo por EU-lingvopolitiko dum BET 53
HeKo 650 4-E, 4 jul 17
Laŭ ĝenerala peto de la ĉeestantoj, post la unuhora prezento dum la “Somera Universitato” de Baltiaj Esperanto-Tagoj, plia horo estis rezervita al la temo “La brita secesio: kiaj sekvoj por la lingva reĝimo en Eŭropa Unio?”, traktata de prof. Giorgio Silfer, Vickonsulo de la Esperanta Civito.
Albanice debutis en Milano
HeKo 650 5-B, 6 jul 17
La itala traduko de “Albaniva kaj ŝiaj sep nanoj” debutis hodiaŭ en Milano, per la voĉo de la aŭtoro, c-ano Giorgio Silfer, kaj la desegnoj de Alda Vercesi. La spektaklo estis tuj replikita ankaŭ en esperanto, antaŭ la sama publiko, kiu parte konsistis el ne esperantistoj. Organizis Itala Interlingvistika Centro kaj Milana Esperanto-Klubo, kiu gastigis la prezenton.
UEA ne respektus la kontrakton kun TEJO
HeKo 650 6-A, 7 jul 17
Michael Boris Mandirola, prezidanto de Tutmonda Esperantista Junulara Organizo, akuzas Universalan Esperanto-Asocion pro malrespekto de la kunlabora kontrakto inter la du establoj, jam jure sendependaj, sed en hibrida situacio el organiza vidpunkto.
Carlevaro reenketos pri la svisa esperantistaro
HeKo 650 7-B, 8 jul 17
Mankas preskaŭ kvarono de jarcento al 2045, kiam d-ro Tazio Carlevaro fariĝos centjara: kaj antaŭ kvarono de jarcento li faris enketon kiu kondukis al katastrofa prognozo pri esperanto en Svislando.
TEJO-volontuloj oficos for de Roterdamo
HeKo 650 8-B, 9 jul 17
Tutmonda Esperantista Junulara Organizo serĉas adekvatajn sidejojn por siaj volontuloj, for de Roterdamo, kie tamen ankoraŭ disvolviĝus ilia unua staĝo.
Esperantio ne silentu pri kreskanta antisemitismo
HeKo 650 9-C, 10 jul 17
La pozicio de Esperantio rilate Uneskon ne povas plu limiĝi je bonvola neŭtraleco kun atento nur pri la monda lingva problemo. Universala Esperanto-Asocio riskas komplici, per sia silento, al la kreskanta ondo de antisemitismo kiu, sub la preteksto de anticionismo, pli kaj pli karakterizas lastatempajn rezoluciojn de Unesko pri toponimoj en la Sankta Lando. Ja silento estas konsento.
Ekis eksperimenta kurso pri beletra tradukado
HeKo 651 1-B, 11 jul 17
Kvar tradukemuloj (Jean-Thierry von Büren, Marie-France Conde Rey, Miroslava Kirova, Giuseppe Pranzo Zaccaria) per la kunordigo de d-ino Perla Martinelli komencis hodiaŭ eksperimentan kurson pri beletra tradukado, en la Esperanto-Domo de KCE, Ĉaŭdefono.