HeKo 502 9-A, 6 apr 12
Post la usona armeo en 1960-63 (laŭ la broŝuro “Esperanto, the agressor language”), la federala polico FBI estas la dua unia instanco kiu uzas nian lingvon. Ĝi estis ĵus aldonita al la kvindeko jam alestaj en la oficiala retejo: http://www.fbi.gov/news/news_blog/translation_040512
Por esperanto FBI uzas la Google-tradukilon, kiu evidente estas tre malperfekta. La malperfekteco grandparte dependas de la roboto, sed probable estus malpli da eraroj aŭ misoj, se la esperantistoj kiuj helpis en la enmeto de la vortaro (honoron al ili ĉiukaze) estus lingve pli altnivelaj. Ĉu neniu civitano pretas helpi al ili?
Cetere la retejo de FBI ŝajnas ordinara komerce-informa, reklame memreferenca kun institucia karaktero.