La numero 7 de la “revuo ne nur por virinoj” (la aŭtuna, laŭ la sezonoj de la norda hemisfero) estas finredaktita kaj sendita al la presejo. La legantoj ĝin ricevos en septembro, pli aŭ malpli frue lau la landoj.
La numero estas plejparte dediĉita al la emancipado de la virino en spiritaj, religiaj kampoj. Tial la Pac-Nobela prelego de Patrino Tereza el Kalikato; sed vi trovos en la abunde ilustritaj paĝoj ankaŭ kelkajn absolutajn novaĵojn, faktojn ĝenerale ne konatajn.
Ĉar okazis teknika problenmo ĉe la presejo rilate numeron 6, tiu numero estas nun represita en perfekta ordo kaj la abonantoj kiuj deziras havi neriproĉeblan kolekton povas skribi al la eldonejo por ricevi, kun la n-ro 7, duan ekzempleron de n-ro 6 — kaj sekve forĵeti la fuŝetan.
Sendu viajn komentariojn kaj proponojn al la redakcio, , kaj bonvolu atenti: la abono al “Femina” ne signifas aliĝon al Feminista Esperanta Movado, nek inverse. Petu pliajn informojn!
Jam preta la nova "Femina"
HeKo 308 8-B, 22 auxg 06
Aldonu komenton