HeKo 616 2-B, 26 sep 16
Okaze de la inaŭguro de la 82a PEN-mondkongreso en Galegio, dum la Eŭropa Tago de Lingvoj, reprezentantoj de San-Sebastiano prezentis la Lingvan Protokolon el la eŭropa ĉefurbo de kulturo 2016.
La dokumento fontas el longa laboro kiu aplikas interalie la Universalan Deklaracion pri la Lingvaj Rajtoj, al kiu en Esperantio referencas la Esperanta Civito. Konsekvence la reprezentantoj de la esperanto-literaturo dum la mondkongreso, gec-anoj Perla Martinelli kaj Giorgio Silfer, intervenis kadre de la Komitato pri lingvaj rajtoj kaj tradukarto, specife pri la kvina paragrafo de la artikolo unua de la Deklaracio.
La Lingva Protokolo estos lanĉita ĉi-jarfine, kun la subteno de PEN Internacia kaj de UNPO, du subjektoj kie aktivas la raŭmistoj. Ĝi estos en la fokuso de la menciita Komitato dum la venonta kunveno en Bielo (Svislando), organizota de la svisaj PEN-centroj, inkluzive de la Esperanta (registrita en la neŭŝatela kantono).
Legu pli en “Heroldo de Esperanto” kaj “Literatura Foiro”
Aldonu komenton