HeKo 316 6-B, 28 nov 06
La Naturamika Semajno de Kultura Centro Esperantista estas la unusola ĉiujara naturamika kaj ekologia aranĝo en esperanto, kun internacia (eĉ interkontinenta) karaktero. Ĝin gvidas tre kompetente c-ano Francisko Degoul, agnoskita alpa gvidisto.
Post kvar jaroj en Grindelvado meze de julio, la Naturamika Semajno restas en la Alpoj, sed migras al la Blanka Monto, fine de aŭgusto. En vilaĝeto apud Chamonix, piede de la plej alta monto en Eŭropo, ekde sabato la 24a ĝis vendredo la 31a de aŭgusto 2007 eblos ekskursi en ĉarma montara etoso. La tranoktejo estas agrabla naturamika domo, kun unu-, du- kaj trilitaj ĉambroj. La panoramo estas vere pitoreska. La kostoj estos iom malpli altaj ol en Grindelvaldo, sed ne la komforto: eblos kaj mem kuiri kaj mendi maten- kaj vespermanĝojn.
Preparu la tornistron kaj la montoŝuojn! Informas KCE, cp 311, CH-2301 La Chaux-de-Fonds, Svislando, tel. (41)32-9267407, <kce @ esperantio.net>. Limdato por aliĝo: fino de aprilo 2007 (sed KCE ne akceptas pli ol dek kvar partoprenontojn, do tuj aliĝu!).
Aldonu komenton