La dankinda patrolo de Civila Esperanta Servo deĵoranta en Lesjoforso estos laŭplane demobilizita fine de junio, post kvarsemajna intensa agado, paralela al la riparado de la tegmento en la sendependa vilaeto nomata La Kukolnesto, fare de faka entrepreno: el la purigado kaj ordigado en la Skandinava Esperanto-Domo ĝis nun rezultis pluraj kvintaloj da rubaĵoj.
La esearo de c-ano Giorgio Silfer “La socia historio de la esperanta popolo” estas presata: laŭplane la mendoj estos plenumitaj ĉiuj kune 8 julio 2026, libroservoj kaj individuoj povas mendi profitante la pli malaltajn kostojn pro la ekspedo el tarife avantaĝa lando de Eŭropa Unio; la mendojn akceptas la eldonejo tuj tra lf-koop [ĉe]
La oficejo de UEA en Nov-Jorko diskonigis raporton pri la aktiveco de la Asocio ĉe UN kaj Unesko, resumebla en la sekvaj kvin agadoj: el ili oni deduktas ke ĝi estas forte engaĝita en la subteno de Unuiĝintaj Nacioj.
Hodiaŭ kunsidas en Ĉaŭdefono la redakcio de “Literatura Foiro”, kun telematikaj alestoj el tri kontinentoj; laŭ la tagordo proponita de la kunĉefredaktoroj, gec-anoj Perla Martinelli kaj Alessio Giordano, pluraj gravaj temoj apudas la kutiman konsultiĝon pri la venonta numero (ĉi-foje la aŭgusta, jam finredaktata).
HeKo 913 4-C, 18 jun 26
Hieraŭ okazis la monata kunsido de la Kapitulo, sub la prezido de sen. Lorena Bellotti, Konsulino; ne partoprenis la vickonsuloj engaĝitaj en Lesjoforso, kie la retaliro ne estas perfekta, kvankam pri Skandinava Esperanto-Domo la Kapitulo ricevis detalan informon, kaj pri la nuna flegado fare de Civila Esperanta Servo kaj pri la perspektivoj de Esplora Instituto de Esperantologio.
“Heroldo de Esperanto” retrospektivas pri la arĝenta jubileo de la Esperanta Civito, komentante la dokumentojn kaj normojn aprobitajn dum kvarono de jarcento; la unua estas la sola starpunkto oficiale esprimita pri Universala Esperanto-Asocio, fare de la Kapitulo laŭ propono de sen.
Dum daŭras la flegado de Skandinava Esperanto-Domo fare de Civila Esperanta Servo, estas proponita la dato de la inaŭguro: 26 junio 2027; tio koincidas kun la komenca semajno de la unua semestro de Esplora Instituto de Esperantologio en la akademia jaro 2027/28, kies unua kurso disvolviĝos en SED, dum la postaj du en Svislando ĉe Kultura Centro Esperantista.
La arĝenta jubileo de la Konstitucio de la Esperanta Civito karakterizas la unuan paĝon de “Heroldo de Esperanto” numero 2378 (junio 2026), kun artikoloj de Perla Martinelli, Bertil Nilsson, Giorgio Silfer kaj atestoj de tri Kapitulanoj: Manuela Blanco, Giacomo Comincini kaj Lorena Bellotti, Konsulino.
Laŭ la artikolo 12 de la statuto de Civila Esperanta Servo / Service Civil Espérantien, aprobita kaj registrita ĉe notario Martin Sindabizera en Bujumburo, 10 januaro 2024, membro de CES povas esti: a) rekruto (recrue), b) pacisto (peace keeper), c) majstro (maître), d) emerito (démobilisé).
Dum kvindek kvin jarkolektoj en “Literatura Foiro” aperis pli ol kvin mil unuoj, poezie kaj proze: tion, kaj multon pli, statistikas la ĵus ekfunkcianta fako LF-indekso, en la renovigita retejo de la revuo, kie ekde hodiaŭ eblas ankaŭ spuri ĉiun eron laŭ aŭtoro kaj titolo, sed ne nur — ekzemple oni
La Komitato kaj la docentaro de Esplora Instituto de Esperantologio kunsidos per komuna seanco ĉe la Helvetia Esperanto-Domo, 20 aŭgusto 2026, por pritrakti precipe la didaktikan aktivecon de EIE dum la akademia jaro 2026/27 kaj proponon pri kunlaboro peratan de c-ano Giacomo Comincini el Japanio.
Post la definitiva retiriĝo de s-ro Ionel Onet, pri la libroservo en Roterdamo okupiĝas partatempe la sola UEA-dungito, kies ofico estas jam alia kaj tre delikata, kaj kiu ne iras ĉiutage al Nieuwe Binnenweg 176; neniu alia restanta dungito (unuavice la direktoro) aperas en la vendata domo.
