Heroldo Komunikas | Heroldo Komunikas

Heroldo de Lexus: tria numero virtuale, nur unu reale

HeKo 663 5-B, 2 nov 17

Verŝajne la dekunua monato de 2017 ﬁne liveros la paperan eldonon de la dua numero de “Heroldo de Esperanto”, produktata kaj administrata de Lexus en Brazilo. Intertempe enretiĝis la tria numero, kiu enhavas dek du paĝojn same kiel la antaŭaj (do nur duonon de la promesitaj komence de la jaro), plus kvarpaĝan beletran suplementon “Spegulo”.

Legu pli pri Heroldo de Lexus: tria numero virtuale, nur unu reale

Rekorda UEA-deficito kaj maldungo de Veronika Poór

HeKo 663 4-A, 1 nov 17

La estraro de Universala Esperanto-Asocio ĵus liveris la buĝeton por 2018, kiu proponas la rekordan malekvilibron de 140.000 eŭroj. “Tiun deﬁciton kovros nia kapitalo.

Mallaŭda mocio kontraŭ la Konsulino

HeKo 663 3-C, 31 okt 17

Sen. Carmine Dello Spedale (afrikano, ĉar naskita kaj edukita en Eritreo) de la Verda grupo estas la unua proponinto de rezolucio, kiu tuj ricevis la apogon ankaŭ de la opozicio en la Senato, per la subskribo de la Blanka grupestrino, sen. Anna Bartek. La ĵus liverita “mallaŭda mocio” tiel tekstas:

Legu pli pri Mallaŭda mocio kontraŭ la Konsulino

La sekretario de ENa pledas por subtenebla turismo

HeKo 663 2-B, 29 okt 17

Unua oﬁciala kaj publika interveno de c-ino Perla Martinelli, sekretario de Esperanta Naturamikaro, post la atingo de la plena membreco de la asocio ĉe Naturfreunde Internationale, okaze de la pasintsemajna mondkongreso en Hilversumo (Nederlando).

Legu pli pri La sekretario de ENa pledas por subtenebla turismo

Premiado de "Poesia da tutti i cieli" 2017

HeKo 663 1-A, 28 okt 17

Rememorante la subite mortintan Amerigo Iannacone, unu el la plej aktivaj kunlaborantoj de la Konkursoj de Samideano, c-ano Giuseppe Campolo inaŭguris ĉi-vespere la premian ceremonion de la kvara konkurso “Poesia da tutti i cieli”, kun kontribuoj en la itala kaj esperanto.

Legu pli pri Premiado de "Poesia da tutti i cieli" 2017

Madrido kaj Barcelono jam trans la Rubikono

HeKo 662 9-E, 27 okt 17

Hodiaŭ je 15h30, per 70 voĉoj poraj, 10 kontraŭaj, 2 sindetenaj kaj 53 ne partoprenintoj la Parlamento de Katalunio aprobis rezolucion kondukantan al la apliko de la sendependiĝo. Favoraj estis la bloko de la katalunismaj partioj kaj la ekstrema maldekstro. Kontraŭis, sed partoprenis la baloton, la regiona grupo de Podemos.

Legu pli pri Madrido kaj Barcelono jam trans la Rubikono

Estos pli facile sendi ion al Ĉaŭdefono

HeKo 662 8-C, 26 okt 17

La diversaj poŝtfakaj adresoj de Kooperativo de Literatura Foiro, Kultura Centro Esperantista, Pro Esperanto, Esperanta PEN-Centro, Feminisma Esperanta Movado, Literatura Foiro, Heroldo de Esperanto, Kortumo de la Esperanta Civito kuniĝos en unu, ekde Novjartago 2018:

(nomo de la establo)
Esperanto-Domo
Postiers 27 — CP 311
CH-2301 La Chaux-de-Fonds

Legu pli pri Estos pli facile sendi ion al Ĉaŭdefono

La "francophonie" rezignas kongresi en Lomeo

HeKo 662 7-A, 25 okt 17

Estas nuligita la ministra konferenco de la internacia organizo de frankofonio, kunvokita ĉi-semajne al Lomeo. La konstantaj perturboj pro la manifestacioj de la politika opozicio kontraŭ prezidento Faure Gnassingbé kondukis la landon kvazaŭ al sieĝostato.

Legu pli pri La "francophonie" rezignas kongresi en Lomeo

La zamenhofa ideologio studita ĉe la okcidenta legacio

HeKo 662 6-C, 24 okt 17

Kelkaj kunlaborantoj de la okcidenta legacio de la Esperanta Civito kunvenis hodiaŭ en Bruselo por studa vespero pri la ideologio zamenhofa. La historian analizon gvidis c-ano Giorgio Silfer.

La prelego kaj la debato konsistigis modestan, sed sinceran omaĝon al la centa datreveno de la forpaso de Lazaro Ludoviko Zamenhof.

Legu pli pri La zamenhofa ideologio studita ĉe la okcidenta legacio

Inter Brexit kaj Katalunio sinkas Eŭropa Unio?

HeKo 662 5-E, 23 okt 17

Dum la lastaj semajnoj, sen aparta peno la diplomatio de Madrido izolis la sendependismon de Barcelono sur la internacia tavolo. La plej rapida subtenanto de Madrido fariĝis Eŭropa Unio.

Legu pli pri Inter Brexit kaj Katalunio sinkas Eŭropa Unio?

Interparolo kun la TEJO-estraro en Roterdamo

HeKo 662 4-C, 22 okt 17

La Vickonsulo de la Esperanta Civito invitis hodiaŭ al labormanĝo la Estraron de Tutmonda Esperantista Junulara Organizo, ĵus kunvenintan en Roterdamo. Pro diversaj ﬂughoroj povis ĉeesti nur la vicprezidanto, d-ro Francesco Maurelli, kaj estrarano Doniben Jimenez Jaramillo el Kolombio; ilin akompanis Boris Michael Mandirola, prezidinto de TEJO.

Legu pli pri Interparolo kun la TEJO-estraro en Roterdamo

Silfer persvadis la naturamikan mondkongreson

HeKo 662 3-B, 21 okt 17

Danke al siaj oratoraj kaj politikaj kapabloj la unusola delegito de Esperanta Naturamikaro (ENa) sukcesis renversi la situacion favore al la esperantlingva organizo, kadre de la mondkongreso de Naturfreunde Internationale (NFI), hodiaŭ en Hilversumo (Nederlando).

Legu pli pri Silfer persvadis la naturamikan mondkongreson

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.