Heroldo Komunikas | Heroldo Komunikas

"Historio de la esperanta literaturo" enpaĝigata

HeKo 574 1-B, 2 maj 15

Kooperativo de Literatura Foiro ĝojas informi ke “Historio de la esperanta literaturo”, kies aŭtoroj estas ĝiaj kooperantoj Carlo Minnaja kaj Giorgio Silfer, estas ﬁnverkita kaj enpaĝigata. Zorge de kooperantino Perla Martinelli pretiĝas la kovropaĝo, dum d-ino Laura Paccagnella teknike helpas por la enhavo. La livero al la presmaŝino okazos en ĉi tiu monato.

Legu pli pri "Historio de la esperanta literaturo" enpaĝigata

Eksperimenta instruado de esperanto en Malago

HeKo 573 9-B, 30 apr 15

C-anoj Giorgio Silfer kaj Antonio Vázquez ĵus havis oﬁcialan rendevuon kun la ĝenerala direktoro de la skabenejo pri sociaj rajtoj ĉe la magistrato de Malago, s-ino Ruth Sarabia García. La celo de la kunsido estis la prezento de la ideo pri eksperimenta projekto de esperanto-instruado por fortigi la lingvan kompetenton ĉe senlaboruloj.

Legu pli pri Eksperimenta instruado de esperanto en Malago

Fabrício Valle ŝvebus dum plia jaro

HeKo 573 8-A, 28 apr 15

La revuo “Esperanto” havos novan ĉefredaktoron, sed ne antaŭ la nomumo de la nova direktoro, por kiu la kandidatiĝa limdato estas tre proksima: 31 majo 2015.

Individua raporto el Burundio en krizo

HeKo 573 7-A, 26 apr 15

C-ano Mushosi Birindwa sukcesis sendi raporton el la ĉefurbo de Burundio, kiu travivas gravan politikan krizon.

Legu pli pri Individua raporto el Burundio en krizo

PEN preparas deklaron pri tradukarto

HeKo 573 6-B, 23 apr 15

Monda deklaro pri tradukarto kaj getradukistoj konsistigis la ĉefan eron en la tagordo de la PEN-Komitato pri tradukarto kaj lingvaj rajtoj, kiu ﬁniĝis hodiaŭ en Barcelono. Nome de la Esperanta PEN partoprenis c-ano Giorgio Silfer.

Legu pli pri PEN preparas deklaron pri tradukarto

Literatura Foiro 274 kun kovrilo pri Endre Ady

HeKo 573 5-B, 19 apr 15

La akurate aperinta aprila numero 2015 de “Literatura Foiro” (274) dediĉas sian kovrilon al la hungara poeto Endre Ady, kadre de la atento al la aŭtoroj kiuj enmetis esperant(ist)on en sian verkon. Ady dediĉis interesan elzeviron, “Hungara problemo” al nia lingvo kaj ĝiaj uzantoj, en Parizo 1906.

Legu pli pri Literatura Foiro 274 kun kovrilo pri Endre Ady

Heroldo analizas la situacion en UEA

HeKo 573 4-B, 16 apr 15

La kvara numero de “Heroldo de Esperanto” en la 91a jarkolekto analizas la delikatan momenton de Universala Esperanto-Asocio: ĝia Estraro (specife ĝia prezidanto) devas trovi novan ĝeneralan direktoron, decidi ĉu redungi aŭ maldungi la ĉefredaktoron, kreskigi la membraron… Kiel solviĝos la dilemo?

Legu pli pri Heroldo analizas la situacion en UEA

Tago de intergeneracia estimo

HeKo 573 3-C, 14 apr 15

La Esperantianoj celebras la Dekkvaran de Aprilo kiel Memortagon de ĉiuj Pioniroj.

Legu pli pri Tago de intergeneracia estimo

Norda Legacio inaŭgurota en Stokholmo

HeKo 573 2-C, 10 apr 15

Hieraŭ la kooperativa asembleo akceptis unuanime la aliĝon de la Esperanta Civito al Solidaritet-Huset (Solidar-Domo) en Stokholmo. La Civiton reprezentis c-ano Bertil Nilsson.

Legu pli pri Norda Legacio inaŭgurota en Stokholmo

Mihalkov pri "La tragedio de l' homo"

HeKo 573 1-B, 8 apr 15

En la hodiaŭa literatura kafejo zorge de Fajszi Amika Rondo en Budapeŝto gastis verkisto konata sub du nomoj: la bulgara Georgi Mihalkov kiel eseisto, la esperanta Julian Modest kiel novelisto. Li dediĉis sian atenton al “La tragedio de l” homo”, traduka ĉefverko de Kálmán Kalocsay kaj originala ĉefverko de Imre Madách.

Legu pli pri Mihalkov pri "La tragedio de l' homo"

"Heroldo" kun la plej kompleta kalendaro

HeKo 572 9-B, 31 mar 15

La numero 3:2015 de “Heroldo de Esperanto” proponas la plej kompletan kalendaron de eventoj en Esperantio dum la nuna jaro: ĝi okupas la du tutajn internajn paĝojn (en formato A3) de la populara informa gazeto.

Legu pli pri "Heroldo" kun la plej kompleta kalendaro

La unua LF-numero de Zlatoje Martinov

HeKo 572 8-B, 28 mar 15

Eliris akurate la unua numero de “Literatura Foiro” en la 46a jarkolekto, la 273a laŭvice. Ĝi estas ankaŭ la unua ĉefredaktata de c-ano Zlatoje Martinov, kun la graﬁka asisto de c-ino Perla Martinelli. Ankaŭ ĉi-jare la kovropaĝoj estas dediĉitaj al aŭtoroj kiuj enmetis esperant(ist)on en verkon sian.

Legu pli pri La unua LF-numero de Zlatoje Martinov

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj.

Eblas donaci monon por subteni nin pere de Esperanta Kulturservo.

RSS-servo

Aliĝu al la Telegram-kanalo por resti ĝisdata pri la lastaj HeKomunikoj kaj por komenti ilin.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.