Heroldo Komunikas | Heroldo Komunikas

La Vickonsulo gratulas la jubileon en Lomeo

HeKo 564 2-C, 6 sep 14

Kun duobla bedaŭro mi ne povas ĉeesti inter vi okaze de la dekjara jubileo de via lernejo, Institut Zamenhof. Duobla, ĉar ni festus ankaŭ mian datrevenon, ja mi naskiĝis la 13an de septembro! En multe pli frua jaro, kompreneble…

Okaze de naskofesto oni alportas donacojn. Bonvolu akcepti du.

Naturamika, kultura kaj nun sociala aktiveco

HeKo 564 1-C, 3 sep 14

La Esperanto-Domo en Andaluzio vastigas sian aktivecon de la ekologia kaj kultura al la sociala kampo.

Akademianoj kaj Lingvaj Komitatanoj kune en KCE

HeKo 564 9-B, 31 aug 14

Kultura Centro Esperantista anoncas la deﬁnitivan daton de la kolokvo pri “Vivanta lingvo de vivanta komunumo”. Ĝi okazos ĉe la Esperanto-Domo en Ĉaŭdefono, salono Claude Piron, 27 februaro (alvenoj) — 2 marto 2015. La 1an de marto ĝi paŭzos pro la ĝenerala Asembleo de LF-koop.

Agrabla renkonto en Upsalo

HeKo 564 8-A, 27 aug 14

Agrabla renkonto en Upsalo (Svedio) de la loka esperanto-komunumo kun eksterlandaj gastoj en privata vizito. Menciindas ke la unua esperanto-klubo en Upsalo fondiĝis en 1891, kaj estis la dua en la historio, post tiu en Nurenbergo.

Pozitiva somero en la luataj konstruoj

HeKo 564 7-C, 24 aug 14

Pozitiva somero por la nemoveblaĵoj administrataj de fondumo Pro Esperanto kiel regio en Svislando kaj Hispanio.

La apartamento posedata de LF-koop en Ĉaŭdefono estas konstante luata ekde junio, kaj nova kontrakto garantias ĝian rentan okupadon ĝis la ﬁno de aŭgusto 2015.

Kongresa numero 2014 de Heroldo

HeKo 564 6-B, 21 aug 14

Unuan fojon la kongresa numero de “Heroldo de Esperanto” ne dediĉas prioritate la unuan paĝon al la Universala Kongreso, sed al du aliaj internaciaj kongresoj kiujn la redakcio taksas ĉi-jare pli sukcesintaj, kvante kaj kvalite (laŭ adekvata proporcio).

La sveda Verda partio uzas esperanton

HeKo 564 5-C, 18 aug 14

Danke al la interesiĝo de (eks)senatanoj de la Verda Listo en la Esperanta Civito, la sveda politika partio “Miljöpartiet De Gröna” decidis uzi ankaŭ esperanton por sia informado en la balotkampanjo, kiu ﬁniĝos per komunuma kaj parlamenta balotoj 14 septembro 2014.

La teksto legeblas sub la adreso http://www.mp.se/languages

La Civito kiel portanto de nova organiza kulturo

HeKo 564 4-C, 12 aug 2014

En aŭgusto 2014 la nuna Konsulo de la Esperanta Civito, Marie-France Conde Rey, atingas la duonon de sia mandato. Bona okazo por fari bilancon pri la stato de la Civito; ne nur kompare kun la komenco de ŝia mandato, sed eĉ kun la origino de la tuta fenomeno. Fakte, kio karakterizis ĝin tiam, kaj karakterizas ĝin nun?

La konferencejo de KCE: salono Claude Piron

HeKo 564 3-B, 10 aug 14

La nova konferenca salono de Kultura Centro Esperantista en Ĉaŭdefono ekde hodiaŭ portas la nomon de Claude Piron. La fama verkisto, forpasinta en 2008, estis konstanta apoganto de KCE dum multaj jaroj.

Andrzej Grzebowski mortis en Argentino

HeKo 564 2-A, 9 aug 14

La Universala Kongreso koincidis ne nur kun la futbala kaj ﬁnanca funebroj de Argentino, sed ankaŭ fatalis al la pola aktivulo Andrzej Grzebowski: li mortis hieraŭ en Sud-Ameriko, dum dormo, post aktiva partopreno en la bonaera UK. Eksa komitatano de TEJO kaj de UEA, li estis konata precipe kiel entreprenisto, liginte sian nomon al la turisma societo Esperantotur.

Sukcesa PEN-renkonto esperanta-okcitana

HeKo 564 1-B, 8 aug 14

Sukcesa dutaga renkonto kadre de PEN Internacia en Ĉaŭdefono, 6-7 aŭgusto 2014. La okcitanan literaturon reprezentis Jean-Frédéric Brun kaj Joan Ros, prezidanto respektive vicprezidanto de la Okcitana PEN. La esperantan reprezentis gec-anoj Perla Martinelli, Giorgio Silfer kaj Walter Zelazny.

Kino por, per, pri virinoj en Femina 37

HeKo 563 9-B, 6 aug 14

La kovropaĝo de la revuo “Femina” n-ro 37 estas dediĉita al la Internacia Festivalo de la Femina Kino, pri kiu raportas la talenta korespondantino, c-ino Marie-France Conde Rey: ŝi ja fariĝis unu el la plej interesaj kinorecenzitoj en Esperantio.

Serĉo

Esperanta civitaneco

Petu la esperantan civitanecon per la reta formularo.

Heroldo Komunikas (HeKo)

HeKo estas retagentejo je la servo de la establoj en kaj apud la Pakto por la Esperanta Civito, sub la imprimaturo de la Konsulo aŭ delegito. La informoj estas:

C: oﬁcialaj de la Civitaj instancoj, kiuj esprimas la oﬁcialan starpunkton de la Civito pri specifa temo, sub responso de la Konsulo, aŭ de ties delegito, markitaj per la simbolo .
B: bultenaj de paktintaj establoj, sub responso de membro de la koncerna komitato.
A: alies neoﬁcialaj, pri kio ajn utila por la evoluo de Esperantio, sub responso de la subskribinto.
E: pri Eŭropaj institucioj kaj geopolitikaj novaĵoj, sub responso de la subskribinto.

Eblas sendi artikolon aŭ kontakti la redakcion tra pakto [ĉe] esperantio [punkto] net (pakto[at]esperantio[dot]net). Publikigo estas rajto por esperantaj civitanoj kaj paktintaj establoj, laŭdiskrecia por la ceteraj. Pri la enhavo de komentoj responsas ekskluzive la koncernaj aŭtoroj.

Eblas donaci monon por subteni nin pere de Esperanta Kulturservo.

Nia poŝta adreso:
Esperanta Civito > HeKo,
strato Edinburgo 26,
BE-1050 Bruselo
Belgio

RSS-servo

Aliĝu al la Telegram-kanalo por resti ĝisdata pri la lastaj HeKomunikoj.

Esperanta Kulturservo

Esperanta Kulturservo estas la konsorcia magazeno de la Esperanta Civito. Tiu platformo ebligas la aliĝon al la eventoj kaj kursoj organizataj de la paktintaj establoj, aĉeton de eldonaĵoj, abonon al revuoj kaj multe pli. Vizitu ĝin tuj por konatiĝi kun la aktivaĵoj kaj eldonaj novaĵoj de la konsorcio.