HeKo 346 3-C, 15 feb 08
Komitato Armand (pri esperantistoj en prizono) malfermis dosieron pri la kazo de pli ol 70-jara belga ŝtatano (sen la esperanta civitaneco), kiu sidis en prizono apud Gento de 17 decembro 2007 ĝis 1 februaro 2008, en stato de preventa mallibero, kaj estas nun ekster la prizono en stato de limigita libero, atende al la eventuala proceso.
La plej longe, daŭre kaj regule aperanta kultura revuo en esperanto eniris sian 39an jarkolekton. La februara numero anoncas ke teatro restos en la fokuso de “Literatura Foiro” ankaŭ en 2008: certe pro la kovriloj, kiuj celebros la plej renoman ensemblon de nia teatro post la dua mondmilito: Bulgara Esperanto-Teatro.
HeKo 345 9-C, 5 feb 08
“Jam en 2006 ni movaduloj en Centro Sivron decidi informiĝi pri la Esperanta Civito por eventuala aliĝo. Kaj nun dum la decembra jarkunveno 2007 ni fine akceptis la ideon fariĝi paktinta establo” komunikis c-ano Jeremi Gishron al la Konsulo pasintmonate.
HeKo 345 8-C, 1 feb 08
La ordinara sesio de la Civita Parlamento estas kunvokita al Bruselo, ĉe Eŭropa Unio, por la 25-26 de julio 2008. La oficialan kunvokon dissendis la Konsulo hieraŭ, per apartaj komunikoj al la du branĉoj de la Parlamento, nome la Senato kaj la Forumo.
“Mi ne estas certa, ĉu lingvo povas esti rekte ligita kun paco. Sed esperanto laŭ mi nerekte ligiĝas al ĝi. La lingvo, aŭ se ne la lingvo mem, la tekstoj, kiujn ĝi produktis, estas stampitaj per la pacama idealo de Zamenhof kaj de la unuaj esperantistoj. En tio estas ia etoso, kiu transdoniĝas.
HeKo 345 6-C, 26 jan 08
Claude Piron (1931[1942]-2008) estis unu el la ĉefaj referencoj en nia lingvokomunumo dum la lastaj tri jardekoj.
Antaŭ semajno Claude Piron respondis al la intervjuo de la nova redaktorino de “Heroldo de Esperanto”, c-ino Aneto Muhlemann.
“Eklipsas” de Jorge Camacho, “Kantoj de Anteo” de Mao Zifu, “La lingvo serena” de Baldur Ragnarsson, “Miozoto” de Margarethe-Greta Stoll, “Moskvaj sonoriloj. Antologio de verkoj de moskvaj poetoj-esperantistoj” kaj “Prefere ne tro rigardi retro” de Eli Urbanová estas la kandidataj titoloj por la PEN-premio “La Verko de la Jaro” 2007.
La eŭropa PEN-konferenco estas prokrastita al 2009: tion decidis la loka organizanto, por ke ĝi koincidu kun la Zamenhofa kaj Literatura Jubileo. La konferenco okazos do meze de julio 2009 en Ĉaŭdefono, laŭ la anoncita programo. Tamen ĝi estos pli enfokusigita al nia literaturo, kaj ne traktos prioritate la perspektivojn de PEN Internacia.
