Ekde 1 julio 2010, Fonduso Pro Esperanto havos apartan leterkeston. Por ĉiu komuniko per poŝto la adreso estos:
Pro Esperanto
CP 558
CH-2301 La Chaux-de-Fonds
Svislando
La retadreso restas la sama: fonduso [ĉe] esperantio [punkto] net (fonduso[at]esperantio[dot]net).
La plej grava esperanto-biblioteko en la iberia duoninsulo estas privata proprieto en la kataluna vilaĝo Sankta Paŭlo de Ordalo, sub la nomo “Hispana Esperanto-Muzeo”. Ĝin iniciatis la apotekisto de la vilaĝo, la karmemora Luis Hernández Yzal, kaj ĝin prizorgas la gefamilianoj.
La Ministerio pri eksteraj rilatoj de la Svisa Konfederacio jam de kelkaj jaroj konstante invitas la Civitan bankon al la perioda Konferenco pri kooperado al evoluigo, sub la egido de la Svisa Sekretariato pri Ekonomiko. La invito fontis el la konstato pri la aktiveco de KCE favore al Afriko, pere de klerigaj iniciatoj kadre de la Pakto por la Esperanta Civito.
Nur unu afrikano (el Benino) rezultas en la listo de 954 aliĝintoj al la Universala Kongreso en Havano, inkluzivanta ankaŭ la devige aligitajn honorajn membrojn de Universala Esperanto-Asocio.
En 1910 sescento da fervoruloj fondis la Internacian Katolikan Unuiĝon Esperantistan en Parizo, kun la (eĉ etimologie komprenebla) entuziasmo de la kredantoj ĵus benitaj de Pio X, la unua papo agnoskinta la valoron de nia lingvo, precipe danke al la envatikana laboro de mons. Luigi Giambene, kiun Pio X humure kromnomis “Monsinjoro Esperanto”.
Jam kvar landajn asociojn, en tri kontinentoj, prezidas/is persono kiu havas la esperantan civitanecon. Unu el ili, en Eŭropo, jam spertis du prezidantojn kun la esperanta civitaneco, kaj ekde 26 junio 2010 ĝi enkalkulas du komitatanojn.
Morgaŭ Dalai-Lama iĝos 75-jara, kaj en Esperantio kelkaj gesenatanoj de la Verda grupo sendas al li aparte siajn bondezirojn.
Esperanto-Radikala Asocio reaktiviĝis hodiaŭ sur la verda areno per gazetara komuniko, kiu protestas kontraŭ EU-Komisionano Barnier. Ĉi-lasta proponis ke en la patenta EU-sistemo estu uzataj tri lingvoj (angla, franca, germana) malgraŭ pli frua interkonsento, ke enestu ankaŭ la itala kaj la kastilia.
Tuj post la aviada katastrofo apud Smolensko, la ĝenerala direktoro de Universala Esperanto-Asocio dissendis gazetaran komunikon kie UEA kondolencis la polan esperantistaron pro la morto de prezidento Lech Kaczyński kaj ceteraj viktimoj.
La anarkomondialisma branĉo de la mondcivitismo, kiu referencas al la Kongreso de la Popoloj, inaŭguris la balotkampanjon por la renovigo de triono de tiu parlamento.
