La delegitoj de la Esperanta PEN ĉe la Komitato pri lingvaj rajtoj kaj ĉe tiu pri verkistoj en prizono ĵus ellaboris komunan strategion, cetere inspiritan de la decidoj alprenitaj de la estraro de nia PEN-Centro pasintjare.
Fajszi Amika Rondo (FAR), fondita okaze de la unua literatura kafejo de Esperanta PEN-Centro en Budapeŝto, entreprenas jam novajn iniciatojn.
La Forumo de la Esperanta Civito decidos pri kelkaj kazoj, dum sia ordinara sesio en Malago, 13 oktobro 2012.
La unua koncernas la definitive ĉesintan establon “Debrecena Bulteno” (Hungario). Al ĝi estos aplikita la artikolo 10, litero a) de la Pakto.
Kvindekon da personoj kortuŝis la himno “La standardo blanke-verda”, kantata de Anjo Amika laŭ teksto de Giorgio Silfer, je la inaŭguro de la naturamika Esperanto-Domo en Malago, hieraŭ tagmeze, post la bonveniga saluto de sen. Julio Herrero, prezidanto de Esperanta Naturamikaro.
La Forumo de la Esperanta Civito, nome la asembleo de la establoj aliĝintaj al la Pakto, debatis hieraŭ en Malago pri la stato kaj perspektivoj de la esperanto-mondo.
