Multaj membroj de Sennacieca Asocio Tutmonda partoprenis la ĉi-jaran Universalan Kongreson. Eĉ plej verŝajne pli da SAT-anoj partoprenis UKon ol la SAT-kongreson mem en Milano, kiu okazis semajnon antaŭ UK [nur sesdeko da personoj en la oficiala kongresfoto].
Tial lanĉiĝis iniciato por kunigi la du apartajn kongresojn. Entuziasme subskribis la iniciaton por komuna kongreso pli ol cent UK-anoj. Nun necesas organizi referendumon en ambaŭ asocioj
La tempo ja favoras. Ĵus aliĝis al SAT la prezidanto de UEA, Probal Daŝgupto. Pro tio certe estos pli facile trovi interkonsenton kaj solvi eventualajn organizan kaj financan problemojn. La laborista apartiĝis de la neŭtrala movado en 1921 okaze de UK en Prago: okdek jarojn post la skismo espereble ĉesos la historia malamikeco inter SAT kaj UEA.
En Zagrebo dum UK 2001 jam salutis la kongresanojn la tiama prezidanto de la Plenum-Komitato de SAT, Yves Peyraut; kio jam signifas paŝon de alproksimiĝo. Regu la konkordo almenaŭ dum UK: ĝi estu la kongreso de ĉiaj esperantistoj.
(Dieter Rooke)
Aldonu komenton