Daŭrigante la tradicion de la kursoj pri beletra tradukarto, d-ino Perla Martinelli gvidos atelieron pri frazeologia tradukado en Kultura Centro Esperantista, 13-19 aŭgusto 2025 — minimuma lingva nivelo: B2 laŭ LingvoTesta Sistemo de la Esperanta Civito.
Temas pri larĝigo de la studo kaj uzo de la Esperanta Proverbaro, sed ne limigita al paremiologia intereso. Ni alfrontos konkrete frazojn oftajn en multaj lingvoj, parole kaj skribe, sed subite mankantajn en esperanto, aŭ mistradukitajn. Ekzemple: Last but not least; Tizio, Caio e Sempronio (Fulano, Mengano y Zutano; Every Tom, Dick and Harry; ktp).
Kiel vi povas konstati, ni ĝuos frazeologian komparon: tial ne gravas via denaska aŭ eduka lingvo. Venu kun kolekto da frazoj kies traduko vin turmentas/is! Por aliĝo: ĉi tie aŭ tra kce [ĉe] esperantio [punkto] net (kce[at]esperantio[dot]net)
(kce)