Esperanta PEN-Centro havas novan prezidanton, elektitan de la Asembleo kunveninta en Milano 3 junio 2011: sen. Bertil Nilsson. Literatura tradukisto, redaktoro kaj publicisto, Bertil Nilsson anstataŭas Perla Martinelli, fine de ŝia trijara mandato.
La Asembleo konfirmis c-anon György Nanovfszky kiel vicprezidanton, kaj sen. Ljubomir Trifonĉovski kiel sekretarion. Revizoroj restas c-ano Georgi Mihalkov kaj s-ro Venelin Mitev.
En la diversaj PEN-komitatoj niaj delegitoj estas: György Nanovfszky kaj Giorgio Silfer (verkistoj por la paco); Giorgio Silfer kaj Bertil Nilsson (lingvaj rajtoj kaj tradukarto); Perla Martinelli kaj Marie-France Conde Rey (verkistinoj). Krome, s-ino Chiara Macconi estis komisiita reprezenti la Esperanto-Centron kiel ekstera membro ĉe la Verkistoj en prizono.
En la PEN-mondkongreso 2011 niaj reprezentantoj estos c-anoj György Nanovfszky kaj Zlatoje Martinov.
La Asembleo kondolencis pro la morto de sia membro Leen Deij, kaj akceptis du novajn membrojn: c-anoj Carlo Minnaja kaj Armando Zecchin.
Estis decidita la kunlaboro, kun eventuala aliĝo, al la Eŭropa Konsilio de la Verkistoj.