La sekretario de Internacia Kongresa Universitato, prof. Amri Wandel el Israelo, komunikas:
Du semajnojn antaŭ la limdato [31 jan 09] alvenis nur ses proponoj por la Bjalistoka IKU. Pasintjare la nombro ĝis la 15a de januaro estis dek. Estas konate ke multaj proponoj alvenas proksime de la limdato (pasintjare mi akceptis eĉ plurajn kiuj malfruis je kelkaj tagoj), sed la ĉi-jara ĝisnuna rikolto aspektas iom magra, kompare kun pasintaj jaroj, dum oni povus atendi ke la jubilea UK kaj la speciala situo logus pli da proponoj ol averaĝe.
Se vi konas taŭgajn prelegantojn, eble vi povas instigi ilin proponi, aŭ informi min por ke mi tion faru. Kvankam ni kutime havas nur naŭ IKU-prelegojn, pli granda elekto ebligas pli altnivelan kaj varian rezulton.