La aŭtoro de unu el la plej humuraj romanoj en nia literaturo, Blazio Vaha, gastos ĉe la 58a literatura kafejo, kiun Fajszi Amika Rondo organizos en Budapeŝto 19 februaro 2020, ĉe la orienta legacio de la Esperanta Civito, sub la aŭspicio de Esperanta PEN-Centro.
La temo de la renkonto ne estos lia romano “Adolesko”, sed lia plej nova verko “Esperanto kaj koneksaĵoj”, dulingva libro redaktita de Jozefo Horvath. Disĉiplo de prof. Szerdahelyi, d-ro Wacha estas unu el la plej kompetentaj esperantologoj en Hungario. Kun sia edzino, d-ino Judita Schiller, li edukis siajn gefilojn dulingve, kaj tiel iĝis ankaŭ unu el la plej valoraj denaskistoj.
Dum la lasta jardeko Blazio Vaha aktivis ankaŭ por la politika partio E-D-E, tiel aplikante sian eŭropismon.
Aldonu komenton