HeKo 670 1-C, 8 jan 18
Pro Esperanto analizas periode la situacion de diversaj subjektoj ekonomie kaj strategie gravaj en Esperantio, por indiki kie valoras investi aŭ prunti, fari legacon aŭ donacon.
UEA 2000,53 — je minus 0,66% ĉar la bremso de la membrofalo ne kongruas kun kreskanta interna opozicio, precipe post la diskonigo de la kandidatiĝoj al la posteno de ĝenerala sekretario.
TEJO 272,03 — je minus 5,5% ĉar la organizo koliziis kontraŭ du rifoj: peza deficito en la ĵus donita spezkalkulo 2016, kun ree deficita buĝeto por 2018; kaj subita demisio de la prezidanto, post apenaŭ kvarmonata ofico.
FPEF 283,66 — je plus 4,5% pro la progreso de projekto en afrika nemoveblaĵo kaj pro la rapida solvo de la problemo kaŭzita de la eksa Konsulino: la strukturo de la Civito pruviĝis ree fortika kaj elasta samtempe.
KCE 963,92 — je plus 3,25% pro la sukcesa esperantologia seminario kaj aliaj aranĝoj en Afriko, plus la aĉeto de “Heroldo de Esperanto”.
LF-koop 212,60 — je plus 5,35% pro la reproprietigo kaj tuja revendo de HdE, kio garantias la enspezon antaŭviditan el Lexus sed ne realigeblan pro ties nesolventeco.
PEN 185,84 — je plus 1,33% pro la rutina enspezado el nemoveblaĵo kaj la enfokusigo de la atento ĉirkaŭ Nobel-kandidateco.
La monato decembro vidas plifortiĝon de la Civita konsorcio kaj daŭre negativan tendencon aliloke.
(HeKo 670 1-C, 8 jan 17)