La fonduso de Centro de Esploro kaj Dokumentado rekomendis, kaj Esperantic Studies Foundation aprobis, subvencion de du mil usonaj dolaroj al LF-koop, por ebligi distribuon de “Historio de la esperanta literaturo” de c-anoj Carlo Minnaja kaj Giorgio Silfer al esperantologoj kaj bibliotekoj, kiuj alikaze plej verŝajne ne havus aliron al ĝi aŭ ne havus la rimedojn por ĝin aĉeti.
La listo de la ricevontoj, kompilita de LF-koop interkonsente kun CED/ESF, enhavas tridek unu adresojn, el kiuj kvin en Eŭropo (preskaŭ nur oriente), naŭ en Azio, du en Latin-Ameriko kaj la ceteraj en Afriko. Oni konsideru ke la sendokostoj (ofte per registrita afranko) estas tre altaj.
La ekspedo okazos meze de novembro 2015, per la represo de la dum tri monatoj jam elĉerpita unua eldono.
CED mecenatas pri la verko de Minnaja-Silfer
HeKo 582 8-B, 16 okt 15
Aldonu komenton