HeKo 660 8-B, 9 okt 17
La kunordiganto de Civila Esperanta Servo, c-ano Claudiu Doda, vizitos Burundion okaze de la 8a Afrika Kongreso de Esperanto, en la dua duono de decembro 2017. Lin akompanos c-ano Tihomir Lovriĉ, kiu en la teamo de CES plenumis mision en Bosnio la pasintan junion. Tria stabano de CES, c-ano Marek Bamberski, ne povos partopreni pro okupiteco.
Eksperto en domfabriko, c-ano Doda atingos ankaŭ la urbeton Nyanza-Lac por prospektori la restrukturotan unuetaĝan domon kiu utilos kiel kvartiro por projekto AmaHoro, mastrumata de SIPU en Afriko.
Pri la projekto okazas nun kontakto kun Internacia Civila Servo.
Aldonu komenton