HeKo 399 6-B, 11 aug 09
Ekde hieraŭ, dum tuta semajno, matene kaj posttagmeze, kvin diligentuloj partoprenas en la Esperantologia Fakultato ĉe Kultura Centro Esperantista. Iliaj eduklingvoj estas respektive franca, germana, kroata, pola.
La ĉi-jaran lekciaron gvidas gec-anoj Perla Martinelli, Bertil Nilsson, Giorgio Silfer. En la literatura parto, prof. Silfer prezentas nian literaturhistorion, kaj d-ino Martinelli pritraktas monografie “La infanan rason” de William Auld. En la historiografia parto, la monografia kurso estas dediĉita al Ivo Lapenna, aldone lekcios mag. Nilsson. Okazas ankaŭ trejnado pri lingvotestado.
La semajno finiĝos la 16an de aŭgusto, per lingvotesta sesio.