S-ino Miriam Altemani, el Italio, instruas gimnastikon kaj trejnas sportistinojn de pli ol tridek jaroj. Intervjuo de c-ano Giorgio Silfer en “Femina” diskonigis ŝiajn spertojn kaj kompetenton. Post kelkaj tagoj en Ĉaŭdefono unuafoje ŝi proponos kurson de milda gimnastiko en esperanto.
La kurson sekvos Esperantianinoj el pluraj landoj: Francio, Hispanio, Hungario, Italio, Nederlando, Svedio, Svislando. La programo estas kalibrita laŭ la aĝo de la partoprenantinoj.
Miriam Altemani laboros precipe pri artikoj kaj muskoloj. Tial ke ŝi mem aspektas almenaŭ dudek jarojn pli juna ol sia aĝo, oni rajtas supozi ke la kurso estos tre sukcesa.
La aranĝo okazos tuj antaŭ kaj dum la kolokvo pri lingvopolitikoj, organizita de Kultura Centro Esperantista: precize 12-17 aŭgusto 2010.
Aldonu komenton