HeKo 736 1-C, 31 maj 20
Post konsultiĝo kun la senataj grupestroj kaj ricevinte la konsenton de la Esperantista Domo de Kulturo “D-ro Ivan Kirĉev”, la Konsulo de la Esperanta Civito, sen. Riichi Karibe, decidis kunvoki la parlamentan sesion al Razgrado (Bulgario), komence de junio 2021.
Pri la organizaj detaloj okupiĝos c-inoj Dimitrinka Kateva kaj Ivaniĉka Maĝarova, kunlabore kun la kvestoro, loĝanta en Bulgario. Eventualan asiston laŭpete donos la orienta legacio el Budapeŝto.
Koincide kun la elektita dato okazos la plej grava tradicia aranĝo de la kulturdomo, nome la festivalo ABRITUS kun la literatura konkurso EKRA. Almenaŭ dudeko da parlamentanoj el diversaj landoj donos al ĝi pli internacian karakteron ol kutime.