HeKo 316 3-A, 25 nov 06
“Loquentes Linguis. Studi linguistici e orientali in onore di Fabrizio A. Pennacchietti” estas la gratula verko redaktita de P.G. Borbone, A. Mengozzi e M. Tosco, ĵus aperinta en Wiesbaden ĉe Harrassowitz.
La verko estos formale liverita al Fabrizio A. Pennacchietti, profesoro pri semitistiko kaj enkondukinto de la kurso pri interlingvistiko kaj esperantologio en la universitaton de Torino, la 14an de decembro 2006, okaze de lia naskiĝdato, per ceremonio ĉe la universitato (fakultato de beletristiko kaj filozofio).
Al la impona volumo kontribuis interalie Vera Barandovská, Helmar Frank, Carlo Minnaja, Giorgio Silfer.
Prof. Pennacchietti prezidis la esperanto-grupon de Torino dum longa tempo kaj daŭre estas inter la gvidantoj de Akademio Internacia de la Sciencoj – San-Marino.