HeKo 323 6-B, 11 feb 07
La Esperanta PEN-Centro estis akceptita kiel oficiala partoprenanto en la unua Internacia Kongreso de Verkistoj kaj Literaturaj Tradukistoj (WALTIC), okazonta en Stokholmo 29 junio — 2 julio 2008. La delegacio de la esperanta verkistaro enhavos membrojn precipe el nordeŭropaj landoj. Du semajnojn poste okazos en Ĉaŭdefono eŭropa konferenco de PEN Internacia, kun esperanto kiel unu el la tri laborlingvoj.
En 2007 la Esperanta PEN ĉeestos la Internacian Konferencon de Poezio en Slovenio, kaj la mondkongreson en Dakaro. En ĉi-lasta, la delegitoj estos du afrikanoj: gec-anoj Koffi Gbeglo kaj Chamberline Nguefack Zedong. Tria partopreno okazos en septembro, plej probable, en la sudorienta regiona PEN-konferenco en Makedonio.